నెల్లూరు జిల్లా వెంకటగిరిలో ప్రేమోన్మాది రెచ్చిపోయాడు. ప్రేమించలేదని ఓ యువతి గొంతు కోశాడు. వెంకటగిరికి చెందిన చెంచుకృష్ణ అనే యువకుడు... కొద్దిరోజులుగా అదే పట్టణానికి చెందిన యువతిని వేధిస్తున్నాడు. ప్రేమించాలంటూ వెంటపడుతున్నాడు. విషయం తెలుసుకున్న యువతి
కుటుంబసభ్యులు చెంచుకృష్ణను మందలించారు. అయినా అతడి ప్రవర్తనలో మార్పు రాలేదు. ఈ రోజు ఏకంగా యువతి ఇంట్లోకి చొరబడ్డాడు. అక్కడే చాకుతో యువతి గొంతు కోశాడు. ఆ తర్వాత అక్కడి నుంచి వెళ్లి కల్లు తాగాడు. అనంతరం ఇంట్లోకి వెళ్లి... తలుపు వేసుకున్నాడు. విషయం తెలుసుకున్న స్థానికులు.... తలుపులు పగులకొట్టి చెంచుకృష్ణను పోలీసులకు అప్పగించారు. ఉన్మాది దాడిలో గాయపడిన యువతిని స్థానిక ప్రభుత్వాసుపత్రికి తరలించారు.