ట్రెండింగ్
చెవులు లేకుండా శిశువు జననం
Andhra Pradesh Telugu | Suryaa Desk | Published : Sun, Mar 20, 2022, 11:45 AM
విశాఖలో ఓ శిశువు జననం అందరిని ఆశ్చార్యానికి గురిచేసింది. ఈటీవీ భారత్ కథనం ప్రకారం.. విశాఖ జిల్లా పెదబయలు మండలం వనబంగి గ్రామానికి చెందిన మోహన్‌రావు, నాగమణి భార్యాభర్తలకు రెండు చెవులూ లేకుండా మగబిడ్డ జన్మించాడు. ఈ నెల 18వ తేదీన నాగమణి పాడేరు జిల్లా ఆసుపత్రి ప్రసూతి విభాగంలో చేరారు. అదే రోజు సాయంత్రం ఆమె బిడ్డను ప్రసవించారు.
చెవులు లేకుండా జన్మించిన శిశువును చూసి తల్లిదండ్రులు భోరున విలపించారు. ఈ బిడ్డ వీరికి రెండో సంతానం. శిశువు ప్రస్తుతానికి ఆరోగ్యంగానే ఉన్నట్లు వైద్యులు తెలిపారు. మెరుగైన పరీక్షలు, చికిత్స నిమిత్తం విశాఖ కేజీహెచ్‌కు తరలించారు. ఇలాంటి జననాలు చాలా అరుదుగా జరుగుతాయని ఆసుపత్రి సూపరింటెండెంట్‌ శంకరప్రసాద్‌ అన్నారు.
|
|