ఏపీలో పెరిగిన విద్యుత్ ఉత్పత్తి

  Written by : Suryaa Desk Updated: Thu, Oct 21, 2021, 12:25 PM
 

ఏపీ వాసులకు గుడ్ న్యూస్. రాష్ట్రంలో మళ్లీ విద్యుత్ ఉత్పత్తి పెరిగింది. విద్యుత్, డిమాండ్ ఉత్పత్తి సమాన స్థాయికి చేరుకున్నాయి. బుధవారం 203 మిలియన్‌ యూనిట్లు విద్యుత్‌ డిమాండ్‌ ఉండగా.. జెన్కో విద్యుత్కేంద్రాల్లో 98 మిలియన్‌ యూనిట్లు ఉత్పత్తి అయింది. ఇందులో థర్మల్‌ 76 మిలియన్‌ యూనిట్లు కాగా.. జలవిద్యుత్‌ ద్వారా 26 మిలియన్‌ యూనిట్లు, పునరుద్పాదక విద్యుత్‌లో 3 మిలియన్‌ యూనిట్లు ఉత్పత్తయింది. మరో 12 మిలియన్‌ యూనిట్లను బహిరంగ మార్కెట్లో కొనుగోలు చేశారు. దీంతోపాటు కేంద్రం అందించే విద్యుత్‌తో డిమాండ్‌కు తగిన ఉత్పత్తి లభించినట్టయింది. బహిరంగ మార్కెట్లో యూనిట్‌ విద్యుత్తు ధర రూ.5కి తగ్గిపోయిందని ఇంధన వర్గాలు తెలిపాయి.


ఏపీలో చాలా ఏళ్లుగా 24 గంటల విద్యుత్ అందిస్తున్నారు. కానీ బొగ్గు కొరత, పెరిగిన విద్యుత్ డిమాండ్ కారణంగా మరోసారి విద్యుత్ కోతలు తప్పవేమో అనేలా పరిస్థితి మారిపోయింది. బొగ్గు కొరత కారణంగా సామర్థ్యంలో సగం మేర మాత్రమే జెన్‌కో విద్యుత్ ఉత్పత్తి చేయగలిగే పరిస్థితి తలెత్తింది.


 


ఆంధ్రప్రదేశ్‌లోని థర్మల్‌ విద్యుత్‌ కేంద్రాలకు రోజుకు 70 వేల టన్నుల బొగ్గు అవసరం కాగా.. కొరత కారణంగా సెప్టెంబరులో 24 వేల టన్నుల బొగ్గు మాత్రమే సరఫరా అయ్యిందని జెన్కో వెల్లడించింది. ఇదే పరిస్థితి కొనసాగితే.. విద్యుత్ కోతలను అధికారికంగా ప్రకటించాల్సిన పరిస్థితి తలెత్తింది.