పని ఒత్తిడి ఎక్కువగా ఉన్నప్పుడు చాలా మందిని తలనొప్పి బాధిస్తుంది. వేసవిలోనైతే ఎండలో కొంత సేపు తిరిగితే అంత ఎక్కువగా తలనొప్పి వస్తుంది. అయితే పలు చిట్కాలను పాటిస్తే ఎలాంటి తలనొప్పినైనా తగ్గించుకోవచ్చు. అవేంటో ఇప్పుడు చూద్దాం.
-> ఎండలో తిరిగే సమయంలో తలకు క్యాప్ లాంటివి పెట్టుకోవాలి. లేదా స్కార్ఫ్ చుట్టుకోవచ్చు. వీటి వల్ల ఎండ నేరుగా మన తలకు తగలదు. దీంతో తలనొప్పి రాకుండా ఉంటుంది.
-> ఎండలో తిరగడం వల్ల వచ్చిన తలనొప్పి అయితే.. కొంతసేపు నీడలో ఉండాలి. చల్లని ప్రదేశంలో ఉండి ముఖాన్ని చల్లని నీటితో కడుక్కోవాలి. కళ్లను బాగా కడగాలి. దీని వల్ల మనస్సుకు ప్రశాంతత కలుగుతుంది. రిలాక్స్ అయిన భావన కలిగి తలనొప్పి తగ్గుతుంది.
-> నీటిని తగినంత తాగకపోయినా తలనొప్పి వస్తుంటుంది. కనుక నిత్యం అవసరమైనంత నీటిని తాగితే తలనొప్పి రాకుండా ఉంటుంది.
-> చల్లని కొబ్బరి నీళ్లు, మజ్జిగ, ఇతర సహజ సిద్ధ పానీయాలను తాగాలి. వట్టివేరుతో చల్లని పానీయం తయారు చేసుకుని తాగితే తలనొప్పి తగ్గుతుంది.
-> అరటి పండ్లు, పైనాపిల్, పుచ్చకాయలను తినడం వల్ల కూడా తలనొప్పిని తగ్గించుకోవచ్చు.