పెళ్ళికి వెరైటీ గిఫ్ట్.. అందరూ షాక్
national | Suryaa Desk | Published : Fri, Feb 19, 2021, 01:48 PM
కొందరు యువకులు తమ స్నేహితుడి పెళ్లికి ఓ స్పెషల్ గిఫ్ట్ ఇవ్వాలని భావించారు. కాస్త విలువైన గిఫ్ట్ నే ఇవ్వాలని డిసైడయ్యారు. బాగా ఆలోచించి ఓ వినూత్న బహుమతిని పెళ్లి మండపంలోనే ఆ కొత్త జంటకు అందించారు. ఆ గిఫ్ట్ ని చూసి పెళ్లికి వచ్చిన వాళ్లంతా షాకయ్యారు.
వివరాల్లోకి వెళితే.. తమిళనాడులోని చెన్నైకి చెందిన కార్తీక్, శరణ్య వివాహ వేడుక గురువారం రాత్రి జరిగింది. ఈ పెళ్లికి వచ్చిన కార్తీక్ స్నేహితులు అతడికి ఇచ్చే పెళ్లి కానుక గురించి వెరైటీగా ఆలోచించారు. వినూత్నంగా ఆలోచించి పెట్రోల్, గ్యాస్ రేట్లు పెరుగుతున్నాయి కదా.. అని ఓ గ్యాస్ బండను, 5 లీటర్ల పెట్రోల్ క్యాన్ ను బహుమతిగా ఇచ్చారు. ఉల్లిపాయలతో చేసిన దండను కూడా వధూవరులకు ఇచ్చారు. వారు వాటిని పరస్పరం మార్చుకున్నారు. ఆ యువకులు ఇచ్చిన గిఫ్ట్ ను చూసి పెళ్లికి వచ్చిన వాళ్లంతా అవాక్కయ్యారు. ఉల్లిపాయ దండలను మార్చుకోవడం చూసి అంతా తెగ నవ్వేశారు.
|
|