టౌన్ కార్ట్ ఫ్రాంచైజీ బిజినెస్.... స్వయం ఉపాధికి వినూత్న ఆలోచన

తక్కువ పెట్టుబడితోనే ఏదో ఒక వ్యాపారం చేసి స్వయం ఉపాధి పొందాలని చాలా మంది భావిస్తారు. తక్కువ పెట్టుబడితో చేయగలిగే స్వయం ఉపాధి మార్గాన్ని తీసుకువచ్చింది. అదే "టౌన్ కార్ట్" ఫ్రాంచైజీ బిజినెస్.పెరుగుతున్న అధునాతన టెక్నాలజీతో పాటుగా అదే రీతిన యువతకు ఉపాధి అవకాశాలు పెరుగుతూ వస్తున్నాయి. ముఖ్యంగా ఆన్లైన్ బిజినెస్ లలో అవకాశాలు అనేవి ఎక్కువగా ఉన్నాయనే చెప్పాలి. అమెజాన్, ఫ్లిప్కార్ట్, జోమాటో, స్విగ్గి, బిగ్ బాస్కెట్ వంటి ఆన్లైన్ ఈ కామర్స్ సంస్థల ద్వారా ఎంతో మంది స్వయం ఉపాధి పొందుతున్నారు. ఈ క్రమంలోనే ఇటీవల పెద్ద పెద్ద పట్టణాల్లోనే కాకుండా చిన్న చిన్న పట్టణాల్లో కూడా ఆన్లైన్ సేవలు అందుబాటులోకి వస్తున్నాయి. ఈ కోవలోకే వస్తుంది "టౌన్ కార్ట్" ఫ్రాంచైజీ బిజినెస్. ప్రస్తుతం ఈ టౌన్ కార్ట్ యాప్ ద్వారా ఆన్లైన్లోనే కిరాణా వస్తువులను ఆర్డర్ చేసుకోవచ్చు. చిన్న పట్టణాల్లో ఇటీవల వేగంగా పెరుగుతున్న సంస్థ ఇది. కాబట్టి ఈ టౌన్ కార్ట్ ఫ్రాంచైజీని తీసుకోవడం ద్వారా మనం చక్కటి స్వయం ఉపాధిని పొందవచ్చు.ఈ రోజు ఈ ఫ్రాంచైజీకి సంబంధించిన అన్ని వివరాలను ఒకసారి తెలుసుకుందాం. ఇక ఈ టౌన్ కార్ట్ ఫ్రాంచైజీని తీసుకోవడానికి మనకి 25 వేల రూపాయల వరకు ఖర్చు అవుతుంది. అంతేకాకుండా మనకి వచ్చిన లాభాల్లో ఈ సంస్థ వారు 2% రాయల్టీ ఫీజును వసూలు చేస్తారు. ముందుగా మనం ఒక చిన్న షాపు అద్దెకు తీసుకుని మన ఊర్లో ఉన్న హోల్సేల్ సప్లయర్స్ వద్ద కిరాణా సరుకులు కొనుగోలు చేసి షాపులో పెట్టుకోవాలి. అంతేకాకుండా ఇద్దరు డెలివరీ బాయ్స్ ను కూడా నియమించుకోవాలి. ఇక మనకు వచ్చే ఆర్డర్ల ద్వారా కిరాణా సరుకులను డెలివరీ చేయాలి. మనకు ఆర్డర్లు అనేవి ఆన్లైన్ లేదా ఆఫ్లైన్ ద్వారా వస్తాయి అంటే యాప్ ద్వారా కానీ, వాట్సప్ ద్వారా గాని, ఫోన్ ద్వారా గాని మన పట్టణంలో ఉన్న ప్రజలు మనకు ఆర్డర్లు ఇస్తారు.ముందుగా ఇలా అర్దర్లు రావడానికి మనం పట్టణంలో మార్కెటింగ్ అనేది చాలా చేయాలి. అంటే ఇంటింటికీ వెళ్లి మన సర్వీస్ గురించి వివరించడం, పట్టణంలో పెద్దపెద్ద హోర్డింగ్స్ పెట్టడం, పాంప్లెట్స్ పంచిపెట్టడం, సిటీ కేబుల్ లో యాడ్స్ ఇవ్వడం చేయాలి. ఇలా చేయడం ద్వారా అందరికీ మన సర్వీస్ గురించి తెలుస్తుంది. దీంతో మనకి ఆర్డర్లనేవి వస్తాయి. ఇక ఈ బిజినెస్ ను ప్రారంభించిన తర్వాత బిజినెస్ ఎలా నిర్వహించాలి అనేది సంస్థ వారు మనకి పూర్తిగా తెలియజేస్తారు. ఈ బిజినెస్ ద్వారా మనం మన పట్టణంలో ఉంటూ సుమారు 40 వేల రూపాయల వరకు సంపాదించవచ్చు. అయితే లాభాలు అనేవి మన పట్టణంలో ఉన్న జనాభా మీద ఆధారపడి ఉంటుంది. అంతే కాకుండా ఈ బిజినెస్ స్టార్ట్ చేయడం ద్వారా మనం మరికొంత మందికి ఉపాధి కల్పించిన వారమవుతాం.