భారత్ లో త్వరలో లాంచ్ కానున్న ఒప్పో రెనో 4 ప్రో స్మార్ట్ ఫోన్ స్పెసిఫికేషన్లు చైనీస్ వేరియంట్ కంటే వేరుగా ఉండనున్నట్లు తెలుస్తోంది. భారతీయ టిప్ స్టర్ ముకుల్ శర్మ తెలుపుతున్న దాని ప్రకారం మనదేశంలో లాంచ్ అయ్యే ఒప్పో రెనో 4 ప్రో స్మార్ట్ ఫోన్ డిస్ ప్లే, రిఫ్రెష్ రేట్ వేరుగా ఉండనున్నాయి. చైనాలో లాంచ్ అయిన రెనో 4 ప్రోలో 90 హెర్ట్జ్ డిస్ ప్లేను అందించగా, మనదేశంలో లాంచ్ కానున్న ఫోన్ లో 120 హెర్ట్జ్ డిస్ ప్లే ఉండనున్నట్లు సమాచారం.6.53 అంగుళాల ఫుల్ హెచ్ డీ+ అమోఎల్ఈడీ డిస్ ప్లేను అందించనున్నారు. క్వాల్ కాం స్నాప్ డ్రాగన్ 765 5జీ ప్రాసెసర్ ను అందించారు. 8 జీబీ వరకు ర్యామ్, 256 జీబీ వరకు స్టోరేజ్ ఇందులో ఉన్నాయి. ప్రధాన కెమెరా సామర్థ్యం 48 మెగా పిక్సెల్ కాగా, 12 మెగా పిక్సెల్ అల్ట్రా వైడ్ యాంగిల్ కెమెరా, 13 మెగా పిక్సెల్ టెలిఫొటో లెన్స్ కూడా ఉన్నాయి. ముందువైపు 32 మెగా పిక్సెల్ కెమెరా అందుబాటులో ఉంది.దీని బ్యాటరీ సామర్థ్యం 4000 ఎంఏహెచ్ గా ఉంది. 65W ఫాస్ట్ చార్జింగ్ ను ఇది సపోర్ట్ చేయనుంది. ఇందులో ఇన్ డిస్ ప్లే ఫింగర్ ప్రింట్ సెన్సార్ కూడా ఉంది. 5జీ, డ్యూయల్ 4జీ వోల్టే, వైఫై, 802.11 ఏసీ, బ్లూటూత్ 5.1, జీపీఎస్/గ్లోనాస్/బైదు, ఎన్ఎఫ్ సీ, యూఎస్ బీ టైప్-సీ వంటి కనెక్టివిటీ ఫీచర్లు ఇందులో ఉన్నాయి. దీని బరువు 172 గ్రాములుగా ఉంది.