మాఫియా కోరల్లో నెల్లూరు నగరం..
Andhra Pradesh Telugu | Suryaa Desk | Published : Fri, Dec 06, 2019, 07:35 PM
వెంకటగిరి ఎమ్మెల్యే ఆనం రామనారాయణ రెడ్డి సంచలన వ్యాఖ్యలు చేశారు. శుక్రవారం ఆయన మీడియాతో మాట్లాడుతూ అనేక మాఫియాలకు నెల్లూరు నగరం అడ్డాగా మారిందన్నారు. ‘‘ఒక అడుగు ముందుకు వేయాలి అన్నా అధికారులకు వాళ్ళ ఉద్యోగ భద్రత గుర్తొస్తుంది. నెల్లూరు నగరంలో ల్యాండ్ మాఫియా, లిక్కర్ మాఫియా సాండ్ మాఫియా, కబ్జాకోరులు, బెట్టింగ్ రాయుళ్లు, మీకు ఏ మాఫియా కావాలన్నా నెల్లూరు నగరం ఉంది. ఈ మాఫియా ఆగడాలకు నెల్లూరు నగరంలో వేలాది కుటుంబాలు, లక్షలాది ప్రజలు బయటికి చెప్పుకోలేక కుమిలిపోతున్నారు. ఐదేళ్లలో నలుగురు ఎస్పీలు మారిన ఘనత నెల్లూరుకే దక్కింది’’ అని ఆనం అన్నారు.
|
|