ట్రెండింగ్
Epaper    English    தமிழ்

రానున్న 24 గంటల్లో కోస్తా, రాయలసీమల్లో వ‌ర్షాలు

Andhra Pradesh Telugu |  Suryaa Desk  | Published : Sun, Oct 13, 2019, 10:49 PM

రానున్న 24 గంటల్లో కోస్తా, రాయలసీమల్లో అక్కడక్కడా ఉరుములతో తేలికపాటి నుంచి ఒక మోస్తరు వర్షాలు కురుస్తాయని, కోస్తాలో ఒకటి, రెండుచోట్ల భారీవర్షాలు కురిసే అవకాశం వుందని వాతావరణ శాఖ తెలిపింది. లక్షదీవుల ప్రాంతం నుంచి కోస్తా వరకు ఉపరితలద్రోణి ఆవరించి ఉండ‌టంతో ఆగ్నేయ/దక్షిణ దిశ నుంచి కోస్తాపైకి గాలులు వీస్తున్నాయపి విశాఖ వాతావ‌ర‌ణ నిపుణులు చెపుతున్నారు. ఈ గాలుల‌ ప్రభావం కార‌ణంగా సముద్రం నుంచి వచ్చే తేమగాలులతో వాతావరణ అనిశ్చితి నెలకొంద‌ని వివ‌రించారు. ఇప్ప‌టికే ఈ గాలుల వ‌ల్ల కోస్తా, రాయలసీమల‌లో అనేకచోట్ల ఉరుములు, పిడుగులతో వర్షాలు కురిశాయ‌ని తెలిపారు.


 నైరుతి రుతుపవనాల ఉపసంహరణ వేగవంతం కావడంతో రానున్న వచ్చే రెండు, మూడు రోజుల్లో ఈశాన్య రుతుపవనాల రాకకు అనుకూల వాతావరణం ఏర్పడనున్నదని వాతావరణ నిపుణుడొకరు తెలిపారు.






SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. https://www.suryaa.com/ and https://epaper.suryaa.com