పవన్ కళ్యాణ్ క్లియర్ స్టాన్స్: అలాంటి పనులు చేయను, ఉప్పాడకు సిద్ధంగా ఉన్నా

కొంతమంది నాయకులు వచ్చి ప్రజలను రెచ్చగొట్టడానికి ప్రయత్నిస్తారు, ఏదో పదో పాతికవేలు ఇచ్చి పబ్బం గడుపుతుంటారు. కానీ నేను అలాంటి వ్యక్తిని కాదని, చెప్పిన పని చేయకపోతే అవసరమైతే ఉప్పాడకు వచ్చి మీతో తిట్లు తిని వెళ్లిపోతానని, కానీ అలాంటి బ్యాక్‌డోర్ చర్యలు చేయను అని పిఠాపురం నియోజకవర్గంలో ఉప్పాడ బహిరంగ సభలో ఆంధ్రప్రదేశ్ ఉప ముఖ్యమంత్రి పవన్ కల్యాణ్ అన్నారు.గురువారం ఆయన తాను ప్రతినిధ్యం వహిస్తున్న పిఠాపురం నియోజకవర్గంలోని ఉప్పాడలో మత్స్యకార సోదరులు, ఆడపడుచులను కలుసుకున్నారు. ఎన్నికల్లో ఇచ్చిన ఏ హామీని కూడా మర్చిపోలేదని, కూటమి ప్రభుత్వం తరపున అన్ని విధాలుగా అండగా ఉంటానని మరోసారి హామీ ఇచ్చారు.అంతేకాదు, తన ట్విట్టర్ ద్వారా ప్రజల సమస్యలు తన దృష్టికి వచ్చాయని, వాటిపై తీసుకునే చర్యల వివరాలను వెల్లడించారు.సముద్రంలో చేపల వేటకు వెళ్లి ప్రమాదవశాత్తూ మరణించిన కాకినాడ జిల్లాకు చెందిన 18 మంది మత్స్యకారుల కుటుంబాలకు ఒక్కో కుటుంబానికి రూ.5 లక్షల చొప్పున ₹90 లక్షల బీమా ఇవ్వడం జరిగింది.ఉప్పాడ తీర ప్రాంతాన్ని రక్షించేందుకు, సముద్రపు సైతం ప్రజలను కాపాడేందుకు ₹323 కోట్ల వ్యయంతో కేంద్ర ప్రభుత్వ సహకారంతో రీటైనింగ్ వాల్ నిర్మాణం పూర్తి చేయనున్నామని హామీ ఇచ్చారు.ఉప్పాడ ఫిషింగ్ హార్బర్ నిర్మాణంలో నిర్లక్ష్యం వలన డిజైన్ లోపాలు ఉన్నాయని గుర్తించామన్నారు. గత నెలలో సైసెఫ్ (CICEF) శాస్త్రవేత్తల బృందం ఈ అంశాన్ని అధ్యయనం చేసింది. ఈ లోపాల వల్ల బోట్లు తరచూ ధ్వంసం అవుతున్నాయని ఆయన తెలిపారు. త్వరలో APSDMA సహకారంతో ₹98 కోట్లతో డిజైన్ సవరణ పనులు ప్రారంభిస్తామని చెప్పారు.మత్స్యకారులతో జరిగిన 'మాట - మంతి' కార్యక్రమంలో గుర్తించిన సమస్యలు పరిష్కరించేందుకు 100 రోజుల గడువులో స్పష్టమైన ప్రణాళికను ప్రజల ఆమోదంతో అమలు చేస్తామని హామీ ఇచ్చారు.సముద్ర తీర ప్రాంతంలో పారిశ్రామిక కాలుష్యం పై పీసీబీ అధికారులకు పొల్యూషన్ ఆడిట్ చేయాలని ఆదేశించి, వారం రోజుల్లో నివేదికోరారు. 3-4 రోజుల్లో స్వయంగా కూడా తీర ప్రాంతాల్లో పరిశీలన చేసి కాలుష్య స్థాయిని అంచనా వేస్తానని తెలిపారు.