ట్రెండింగ్
విజయవాడలో స్కూలు బస్సు బీభత్సం
Andhra Pradesh Telugu | | Published : Fri, Feb 22, 2019, 02:00 PM
ఆంధ్రప్రదేశ్ లోని విజయవాడలో ఓ ప్రైవేటు స్కూలు బస్సు రోడ్డుపై వెళుతున్న వారిని వణికించింది. వాహనాలను ఢీకొట్టుకుంటూ ముందుకు సాగింది. దీంతో పాదచారులు ప్రాణభయంతో పరుగులు తీశారు.కాగా, బస్సు బలంగా ఢీకొట్టడంతో ఆటోలతో పాటు పలు వాహనాలు పల్టీలు కొట్టాయి. అనంతరం కొద్దిదూరం వెళ్లాక బస్సు ఆగిపోయింది. ఈ ఘటనలో ముగ్గురికి గాయాలయ్యాయి. దీంతో స్థానికులు వీరిని విజయవాడ ప్రభుత్వాసుపత్రికి తరలించారు.
బ్రేకులు ఫెయిల్ అవ్వడం కారణంగానే ఈ ప్రమాదం చోటుచేసుకుందని తెలుస్తోంది. కాగా, ఈ విషయమై పోలీస్ అధికారి ఒకరు మాట్లాడుతూ.. ప్రమాద సమయంలో డ్రైవర్ మద్యం సేవించాడా? లేదా? అన్నది ఇంకా తెలియలేదని అన్నారు. డ్రైవర్ ను వైద్య పరీక్షల కోసం ఆసుపత్రికి పంపామన్నారు. విచారణ జరిపి దోషులపై చర్యలు తీసుకుంటామన్నారు.
|
|