లోకేష్ కు పుట్టిన‌రోజు శుభాకాంక్షలు : సినీనటి దివ్యవాణి
Andhra Pradesh Telugu | Suryaa Desk | Published : Wed, Jan 23, 2019, 08:40 PM
టీడీపీ జాతీయ ప్రధాన కార్యదర్శి, ఏపీ మంత్రి నారా లోకేష్ పై సినీనటి దివ్యవాణి ప్రశంసలు కురిపించారు. గుంటూరులో మీడియాతో మాట్లాడిన ఆమె నారా లోకేష్ పుట్టిన రోజు సందర్భంగా శుభాకాంక్షలు తెలిపిన ఆమె నేతాజీ సుభాష్ చంద్రబోస్ పుట్టిన రోజున లోకేష్ పుట్టడం సంతోషమన్నారు. పుట్టినరోజున కూడా రాష్ట్రం కోసం దావోస్‌లో లోకేష్ పర్యటిస్తుండటం సీఎం చంద్రబాబు స్ఫూర్తికి నిదర్శనమని కొనియాడారు. చిన్న వయస్సులో నిత్యం కష్టపడుతున్న లోకేష్‌పై ప్రతిపక్షాలు విమర్శలు చేయడం సిగ్గుచేటని దివ్యవాణి ఆరోపించారు. కాపులకు 5 శాతం రిజర్వేషన్లు అభినందనీయమని, అన్ని వర్గాలకు సంక్షేమ పధకాలు అద్భుతంగా కొనసాగుతున్నాయని చెప్పుకొచ్చారు. చంద్రబాబు లాంటి నేత ఏపీకి దొరకడం అదృష్టమని వ్యాఖ్యానించారు. చంద్రబాబు మరోసారి అధికారంలోకి వస్తేనే రాష్ట్రం బాగుంటుందని దివ్యవాణి విశ్వాసం వ్యక్తం చేశారు.
|
|