ఏపీలో రైళ్లు రద్దు చేసిన రైల్వేశాఖ

ఏపీలో రైలు ప్రయాణికులకు ముఖ్య గమనిక. విజయవాడ డివిజన్‌ పరిధిలో భారీగా రైళ్లు రద్దు అయ్యాయి. మెయింట్‌నెన్స్‌ పనుల పేరుతో రద్దు చేసినట్టు రైల్వే అధికారులు ప్రకటించారు.డివిజన్‌ మీదుగా నడిచే పలు రైళ్లను పూర్తిగాను, పాక్షికం గాను రద్దు చేయడంతో పాటు మరికొన్నింటిని దారి మళ్లించి నడపనున్నట్లు రైల్వే అధికారులు తెలిపారు. ఈ నెల 4 నుంచి 17వ తేదీ వరకు కాకినాడ పోర్టు–విశాఖపట్నం (17267/­17268), మచిలీపట్నం–విశాఖపట్నం (17219/17220), ఈ నెల 5 నుంచి 18 వరకు గుంటూరు–రాయగడ (17243/17244), బిట్రగుంట–విజయవాడ (07977/07978), విజయవాడ–­తెనాలి (07279/07575), విజయవాడ–ఒంగోలు (07461/­07575), విజయవాడ–గూడూరు (07500), విజయవాడ–గూడూరు (12744) రైళ్లను రద్దు చేశారు.

ఈ నెల 4, 5, 6, 8 తేదీలలో విజయవాడ–విశాఖపట్నం (22702).. ఈ నెల 9, 11, 12, 13 తేదీలలో విశా­ఖపట్నం–విజయవాడ (22701) రైళ్లు రద్దయ్యాయి. ఈ నెల 4 నుంచి 18వ తేదీ వరకు గుంటూరు–విశాఖపట్నం (17239/17240).. ఈ నెల 5 నుంచి 18వ తేదీ వరకు విశాఖపట్నం–గుంటూరు (17240), ఈ నెల 4 నుంచి 8వ తేదీ వరకు రద్దు చేశారు. అలాగే ఈ నెల 11 నుంచి 15వ తేదీ వరకు బిట్రగుంట–చెన్నై సెంట్రల్‌ (17237/17238), ఈ నెల 5 నుంచి 18వ తేదీ వరకు గూడూరు–విజయవాడ (07458/­12743) రైళ్లు పూర్తిగా రద్దు చేశారు. మచిలీపట్నం– విజయవాడ, నర్సాపూర్‌–విజయవాడ, విజయవాడ–భీమవరం మధ్య రైళ్లను పాక్షికంగా రద్దు చేసినట్లు తెలిపారు.

అంతేకాదు ప్రయాణికుల రద్దీ దృష్ట్యా వేర్వేరు ప్రాంతాల నుంచి నడుపుతున్న పలు రైళ్లను పొడిగిస్తున్నట్లు రైల్వే అధికారులు తెలిపారు. ఈ నెల 4 నుంచి 25వ తేదీ వరకు పూర్ణా–తిరుపతి (07609).. ఈ నెల 5 నుంచి 26వ తేదీ వరకు తిరుపతి–పూర్ణా (07610) కొనసాగనున్నాయి. ఈ నెల 2 నుంచి 30వ తేదీ వరకు హైదరాబాద్‌–నర్సాపూర్‌ (07631).. ఈ నెల 3 నుంచి 31వ తేదీ వరకు నర్సాపూర్‌–హైదరాబాద్‌ (07632).. ఈ నెల 3 నుంచి 31వ తేదీ వరకు తిరుపతి–సికింద్రాబాద్‌ (07481).. ఈ నెల 4 నుంచి 25వ తేదీ వరకు సికింద్రాబాద్‌–తిరుపతి (07482) రైళ్లను పొడిగించారు. ఈ నెల 1 నుంచి 29వ తేదీ వరకు కాకినాడ టౌన్‌–లింగంపల్లి (07445).. ఈ నెల 2 నుంచి 30వ తేదీ వరకు లింగంపల్లి–కాకినాడ టౌన్‌ (07446) రైళ్లను పొడిగించినట్లు తెలిపారు. రైలు ప్రయాణికులు ఈ విషయాన్ని గమనించాలని.. అందుకు తగినట్లుగా జర్నీ ప్లాన్ చేసుకోవాలని సూచించారు.