ట్రెండింగ్
Epaper    English    தமிழ்

ఆసీస్‌కి డుప్లెసిస్‌ సూచన

Andhra Pradesh Telugu |  Suryaa Desk  | Published : Fri, Nov 16, 2018, 02:55 PM

ఆస్ట్రేలియా పర్యటనకి భారత్ వెళ్తున్న సందర్భంగా ఆ దేశ క్రికెటర్లకి దక్షిణాఫ్రికా కెప్టెన్ డుప్లెసిస్‌ ఓ సలహా ఇచ్చాడు. ఈనెల 21 నుంచి భారత్ జట్టు ఆ గడ్డపై మూడు టీ20లు, నాలుగు టెస్టులు, మూడు వన్డేల సుదీర్ఘ సిరీస్‌ను ఆడనుండగా.. కెప్టెన్ విరాట్ కోహ్లీ‌ని మాత్రం సిరీస్‌లో రెచ్చగొట్టే ప్రయత్నం చేయద్దని ఆసీస్‌కి డుప్లెసిస్ సూచించాడు. ఈ ఏడాది ఆరంభంలో దక్షిణాఫ్రికా పర్యటనకి భారత్ జట్టు వెళ్లగా.. కోహ్లీ తాను ఆడిన మూడు టెస్టుల్లో ఏకంగా 286 పరుగులతో సత్తాచాటాడు. అయితే.. అవి చాలా తక్కువని.. తమ క్రికెటర్లు సిరీస్‌లో సైలెంట్‌గా ఉండటంతోనే.. కోహ్లీని ఆ మాత్రమైనా కట్టడిచేయగలిగామని డుప్లెసిస్ చెప్పుకొచ్చాడు. 


‘అంతర్జాతీయ క్రికెట్‌లో ప్రత్యర్థి కవ్వింపులను సవాల్‌గా తీసుకుని ఆడే క్రికెటర్లు తక్కువగా ఉన్నారు. భారత్ కెప్టెన్ విరాట్ కోహ్లీ ఈ జాబితాలోకి వస్తాడు. అతను ప్రత్యర్థితో ఢీకొట్టడాన్ని బాగా ఆస్వాదిస్తాడు. అందుకే.. సిరీస్ ఆరంభానికి ముందే మేము అతడ్ని రెచ్చగొట్టకూడదని జట్టు సమావేశంలో నిర్ణయించుకున్నాం. ఈ మేరకు సిరీస్ సాంతం అతడికి ‘సైలెంట్ ట్రీట్‌మెంట్’ ఇచ్చాం. అయినప్పటికీ.. కోహ్లీ పరుగులు సాధించాడు. కానీ.. అతని జోరుతో పోలిస్తే.. అవి ఏమీ అంత ఎక్కువ కాదని మా అభిప్రాయం. సెంచూరియన్ పిచ్‌ నెమ్మదిగా ఉన్నా.. అతను శతకం బాదడం మమ్మల్ని ఆశ్చర్యపరిచింది. దక్షిణాఫ్రికాకి సైలెంట్ ట్రీట్‌మెంట్ మంచి ఫలితాన్నిచ్చింది.. మరి ఆస్ట్రేలియాకి కూడా అది ఉపయోగపడుతుందేమో..? చూడాలి’ అని డుప్లెసిస్ వెల్లడించాడు. 






SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. https://www.suryaa.com/ and https://epaper.suryaa.com