ట్రెండింగ్
Epaper    English    தமிழ்

ఏపీలో వర్షాల బీభత్సం,,,పలుచోట్ల నేలకొరుగుతున్న చెట్లు

Andhra Pradesh Telugu |  Suryaa Desk  | Published : Fri, Jun 02, 2023, 08:03 PM

ఏపీలో పలు చోట్ల వర్షాలు భీభత్సవం కొనసాగింది. భారీ ఈదురుగాలులు, వర్ష బీభత్సానికి తిరుపతి జిల్లా చంద్రగిరిలోని పాతపేటలో రెండు భారీ వృక్షాలు నేలకొరిగాయి. ఈ ఘటనలో రెండు వాహనాలు ధ్వంసమవ్వగా.. పలువురుకి స్వల్ప గాయాలయ్యాయి. స్థానికుల నుంచి సమాచారం అందుకున్న అధికారులు.. వెంటనే ఘటనా స్థలానికి చేరుకుని సహాయకచర్యలు చేపట్టారు. గాయాలపాలైన వారిని సమీపంలోని ఆస్పత్రికి తరలించారు. వాహనదారులకు ఇబ్బంది కలగకుండా చెట్ల కొమ్మలను అక్కడ నుంచి తొలగించారు. అకాల వర్షం, భారీ ఈదురుగాలుల ప్రభావానికి నేలకొరిగినట్లు అధికారులు చెబుతున్నారు.


నేలకొరగడంతో చెట్టు కింద ఉన్న చిన్న ఆటో, లగేజీ ఆటోతో పాటు ఐస్‌క్రీం వాహనం పూర్తిగా ధ్వంసమయ్యాయి. నేలకొరిగే సమయంలో చెట్టు కింద ఉన్న ముగ్గురికి స్వల్ప గాయాలయ్యాయి. చంద్రగిరి నియోజకవర్గ వైసీపీ నేత చెవిరెడ్డి మోహిత్ రెడ్డి ఘటనా స్థలానికి చేరుకుని పరిశీలించారు. ధ్వంసమైన వాహనదారులు ముగ్గురికి రూ.10 వేల చొప్పున రూ.30వేలు తక్షణ సాయంగా అందించారు.


అటు అనంతపురం జిల్లా రాయదుర్గం నియోజకవర్గంలోని సోమలాపురం వద్ద భారీ వర్షాలకు వాగు పొంగిపొర్లుతోంది. దీంతో రాయదుర్గం, బళ్ళారి మధ్య రాకపోకలు పూర్తిగా ఆగిపోయాయి. పుట్టపర్తిలో భారీ వడగళ్ల వాన, ఈదురుగాలులకు కొన్ని గంటలపాటు అధికారులు విద్యుత్ సరఫరా నిలిపివేయడంతో ప్రజలు తీవ్ర అవస్ధలు పడ్డారు. గార్లదిన్నె మండలంలో భారీ వర్షం కురవగా.. కల్లూరు సమీపంలో టెంకాయ చెట్లపై పడ్డ పిడుగు పడింది. పిడుగు పడే సమయంలో ఎవరూ లేకపోవడంతో ప్రమాదం తప్పింది. అటు హోసగుడ్డ గ్రామంలో నిలబడిన కారుపై భారీ వృక్షం నేలకొరిగింది. వాహనంలో ఎవరూ లేకపోవడంతో పెను ప్రమాదం తప్పినట్లైంది.


ఏపీలో గత కొద్దిరోజులుగా పలు ప్రాంతాల్లో భారీ వర్షాలు పడుతున్నాయి. ఈ వర్షాలకు రోడ్లన్నీ మునిగిపోతున్నాయి. మోకాల్లోతు నీళ్లు రోడ్లపైకి చేరుకోవడంతో వాహనదారులు తీవ్ర అవస్థలు పడుతున్నారు. పలుచోట్ల చెట్లు నేలకొరగడంతో వాహనదారులు అసౌకర్యానికి గురవుతున్నారు. దాదాపు చాాలా జిల్లాల్లో వానలు పడుతున్నాయి. పలుచోట్ల వానలు కురుస్తుండగా.. మరికొన్ని జిల్లాల్లో ఎండ ప్రభావం ఎక్కువగా ఉంటుంది.







SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. https://www.suryaa.com/ and https://epaper.suryaa.com