ఇంటర్ అర్హతతో 3259 కేంద్ర ప్రభుత్వ ఉద్యోగాలు

వివిధ కేంద్ర ప్రభుత్వ సంస్థల్లోని ఎల్డీసీ, జూనియర్ అసిస్టెంట్ తదితర పోస్టుల భర్తీకి నిర్వహించే కంబైన్డ్ హయ్యర్ సెకెండరీ లెవెల్ ఎగ్జామినేషన్ 2017కు స్టాఫ్ సెలక్షన్ కమిషన్ నోటిఫికేషన్ విడుదల చేసింది. దీని ద్వారా లోయర్ డివిజన్ క్లర్క్/ జూనియర్ సెక్రటేరియట్ అసిస్టెంట్, పోస్టల్ అసిస్టెంట్/ సోర్టింగ్ అసిస్టెంట్, డేటా ఎంట్రీ ఆపరేటర్ తదితర పోస్టులను భర్తీ చేస్తారు. ఎంపికైన వారికి నెలకు రూ.40 వేల నుంచి రూ.50 వేల వరకు వేతనం అందజేస్తారు.

కంబైన్డ్ హయ్యర్ సెకెండరీ ఎగ్జామినేషన్ 2017

పోస్టుల సంఖ్య: 3259; ఎల్డీసీ- 898, సోర్టింగ్ అసిస్టెంట్ 2359, డీఈఓ 2

విద్యార్హతలు: ఇంటర్ లేదా తత్సమాన అర్హత ఉండాలి. డేటా ఎంట్రీ ఆపరేటర్ పోస్టులకు మాత్రం ఇంటర్మీడియట్‌లో సైన్స్, మ్యాథ్‌మెటిక్స్ సబ్జెక్టులు చదివి ఉండాలి. ఇంగ్లిష్ లేదా హిందీలో టైపింగ్ స్కిల్స్ ఉండాలి.

వయోపరిమితి: 2018 ఆగస్టు 01 నాటికి 18 నుంచి 27 ఏళ్లకు మించకూడదు. నిబంధనల ప్రకారం ఎస్సీ, ఎస్టీ, ఓబీసీ, దివ్యాంగులు, ఎక్స్-సర్వీస్‌మెన్‌కు వయోపరిమితిలో సడలింపు ఉంటుంది.

దరఖాస్తు విధానం: ఎస్‌ఎస్‌సీ వెబ్‌సైట్‌లో ఆన్‌లైన్ ద్వారా దరఖాస్తు చేయాలి. ఫీజు కింద జనరల్, ఓబీసీ అభ్యర్థులు రూ.100 చెల్లించాలి. మిగతా అభ్యర్థులకు ఎలాంటి ఫీజు లేదు.ఎంపిక విధానం: కంప్యూటర్ బేస్డ్ టెస్ట్, రాత పరీక్ష (డిస్క్రిప్టివ్), స్కిల్ టెస్ట్, ఇంటర్వ్యూ ద్వారా ఎంపిక చేస్తారు. టైర్-1లో ఇంగ్లిష్, జనరల్ అవేర్‌నెస్, క్వాంటిటేటివ్ ఆప్టిట్యూడ్, జనరల్ ఇంటెలిజెన్స్‌కు సంబంధించిన ప్రశ్నలు 200 మార్కులకు ఆబ్జెక్టివ్ తరహాలో ఉంటాయి. ఇందులో అర్హత సాధించిన వారికి టైర్-2 నిర్వహిస్తారు. ఇందులో అభ్యర్థి రాత నైపుణ్యాలను పరీక్షిస్తారు. తర్వాత టైపింగ్ టెస్ ఉంటుంది. ఇందులో 8000 బైట్స్‌ను 15 నిమిషాల్లో పూర్తిచేయాలి. చివరిగా మెరిట్ ప్రాతిపదికన అభ్యర్థిని ఎంపిక చేస్తారు.

ఆన్‌లైన్ రిజిస్ట్రేషన్‌కు చివరితేది: డిసెంబరు 18

టైర్-1 సీబీటీ తేది: మార్చి 3 నుంచి 26 వరకు