ట్రెండింగ్
ఉత్తరకొరియాకు క్యూబా మద్దతు
Andhra Pradesh Telugu | Suryaa Desk | Published : Fri, Nov 24, 2017, 08:48 AM
ఉత్తరకొరియాకు ఊహించని మద్దతుదొరికింది. అణుపరీక్షల నేపథ్యంలో ఏకాకిగా మారిన ఉత్తరకొరియాకు క్యూబా మద్దతు పలికింది. క్యూబా రాజధాని హవానాలో ఉత్తరకొరియా విదేశాంగ శాఖ మంత్రితో క్యూబా విదేశాంగ శాఖ మంత్రి సమావేశమయ్యారు. ఈ సందర్భంగా అమెరికా విధానాలను తూర్పారబట్టారు. ఎలాంటి చర్చలు లేకుండా ఆంక్షలు విధించడం, ఉగ్రవాద దేశాల సరసన ఉత్తరకొరియాను చేర్చడంపై ఈ రెండు దేశాలు తీవ్ర అభ్యంతరం వ్యక్తం చేశారు. అమెరికా ఏకపక్ష, నిర్హేతుకమైన డిమాండ్లను ఖండిస్తున్నామని ఉమ్మడి ప్రకటన చేశారు. ప్రజల సార్వభౌమాధికారాన్ని గౌరవించాలని, వివాదాలకు శాంతియుతమైన ఒప్పందాల ద్వారా ముగింపుపలకాలని క్యూబా విదేశాంగ శాఖ మంత్రి సూచించారు.
|
|