జియో రీచార్జ్‌పై అదిరిపోయే క్యాష్‌బ్యాక్‌లు

రిలయన్స్ జియో వినియోగదారులు మళ్లీ రీచార్జ్‌లు చేసుకొనే సమయం వచ్చింది. ఆగస్టు 17తో జియో ధన్ ధనా ధన్ ఆఫర్ ముగుస్తోంది. కాబట్టి జియో సేవలు వినియోగించుకోవాలంటే రీచార్జ్ చేసుకోవడం తప్పనిసరి. అయితే రూ. 300 ఆపైన జియో రీచార్జ్‌పై ఈ-వాలెట్ సంస్థలు ఆకర్షణీయమైన క్యాష్‌బ్యాక్‌లు అందిస్తున్నాయి. ఈ ఏడాది జులైలో రిలయన్స్ జియో రెండు కొత్త టారిఫ్ ప్లాన్లను ప్రవేశపెట్టింది. ‘ధన్ ధనా ధన్’ ఆఫర్ కింద రూ. 399, రూ. 349 ప్లాన్లను తీసుకొచ్చింది. కొత్త రూ. 399 ప్లాన్‌తో 84 రోజులపాటు రోజుకి 1జీబీ డాటాను అందిస్తోంది. అలాగే అపరిమిత లోకల్, ఎస్టీడీ కాల్స్.. రోజుకి 100 మెసేజ్‌లు మామూలే. ఇక రూ. 349 ప్లాన్ కింద 56 రోజుల కాలపరిమితితో 20జీబీ డాటాను ఇస్తోంది. ఈ ప్లాన్‌లో రోజువారీ డాటా లిమిట్ ఏమీ లేదు.

మరి, రిలయన్స్ జియో రీచార్జ్‌లపై మీరు భారీ క్యాష్‌బ్యాక్‌లు పొందే నాలుగు మార్గాలను ఇక్కడ తెలుసుకుందాం.

పేటీఎం: రూ. 76 క్యాష్‌బ్యాక్
ప్రముఖ డిజిటల్ పేమెంట్ సర్వీస్ ప్రొవైడర్ పేటీఎం.. రూ.300 ఆపై జియో రీఛార్జ్‌పై రూ.76 క్యాష్‌బ్యాక్‌ను అందిస్తోంది. వినియోగదారుడు ‘PAYTMJIO’ ప్రోమో కోడ్‌ను ఉపయోగించి క్యాష్‌బ్యాక్ పొందొచ్చు. రీఛార్జ్ అనంతరం 24 గంటల్లో ఆ మొత్తం పేటీఎం వ్యాలెట్‌లో జమ అవుతుంది.

అమెజాన్‌ పే: రూ. 99 క్యాష్‌బ్యాక్
జియో రూ.309 మొదలుకొని ఆపై ఉన్న ప్లాన్ల రీఛార్జిలపై అమెజాన్‌ పే రూ.99 క్యాష్‌బ్యాక్‌ అందిస్తోంది. అయితే అమెజాన్ యూజర్ల ఫస్ట్ జియో రీచార్జ్‌పై మాత్రమే క్యాష్‌బ్యాక్ ఆఫర్ వర్తిస్తుంది. ఆగస్టు 14 నుంచి 19 మధ్య రీఛార్జ్ చేసుకున్నవారికి క్యాష్‌బ్యాక్ వస్తుంది. రీచార్జ్ చేసుకున్న ఏడు రోజుల లోపల క్యాష్‌బ్యాక్ అమెజాన్ పే అకౌంట్‌లోకి వస్తుంది. దీంతో పాటు నవంబర్‌ 30 వరకు అన్ని మొబైల్ రీఛార్జ్‌లపై రూ.20 చొప్పున క్యాష్‌బ్యాక్‌ అందించనున్నట్లు అమెజాన్‌ పే వెల్లడించింది.

ఫోన్‌‌పే: రూ. 75 క్యాష్‌బ్యాక్ 

ఫ్లిప్‌కార్ట్‌కు చెందిన మొబైల్ వ్యాలెట్‌ ఫోన్‌‌పే కూడా రిలయన్స్ జియో రీచార్జ్‌పై క్యాష్‌బ్యాక్ అందిస్తోంది. ఫోన్‌పే అకౌంట్ ఉన్న జియో యూజర్లు రూ. 75 క్యాష్‌బ్యాక్ పొందొచ్చు. ఆగస్టు 14 నుంచి 21 వరకు రూ.309 ఆపై రీచార్జ్ చేసుకునే జియో యూజర్లకు ఈ క్యాష్‌బ్యాక్ పొందే అవకాశం ఉంది. ఎలాంటి ప్రోమోకోడ్‌ అవసరం లేకుండానే క్యాష్‌బ్యాక్‌ మొత్తం ఫోన్‌పే అకౌంట్‌లో జమ అవుతుంది.

మొబిక్విక్‌: రూ. 59 సూపర్ క్యాష్  
రిలయన్స్ జియో రీచార్జ్ ద్వారా మొబిక్విక్ యూజర్లు రూ. 59 సూపర్ క్యాష్ పొందొచ్చు. అయితే ఈ ఆఫర్ కేవలం రూ. 399 ప్లాన్‌కు మాత్రమే వర్తిస్తుంది. దీనికి కోసం ‘JIOMBK’ ప్రోమో కోడ్‌ను వాడాలి. అయితే మొబిక్విక్ ద్వారా తొలి రీచార్జ్ చేసకునే జియో యూజర్లు మాత్రం రూ. 159 సూపర్ క్యాష్ పొందొచ్చు. దీనికి ‘NEWJIO’ ప్రోమో కోడ్‌ను వాడాలి. కాగా, మొబిక్విక్ క్యాష్‌బ్యాక్‌కి.. సూపర్ క్యాష్‌కి కాస్త వ్యత్యాసం ఉంది. ఈ సూపర్ క్యాష్ నేరుగా వాలెట్‌లోకి వెళ్లదు. సూపర్ క్యాష్ వాలెట్ వేరేగా ఉంటుంది. ఈ సూపర్ క్యాష్ మొత్తాన్ని ఒకేసారి వినియోగించలేం. ఒక లావాదేవీలో కేవలం 10 శాతం సూపర్ క్యాష్‌ని మాత్రమే వాడుకోగలం. అదే రీచార్జ్, బిల్ పేమేంట్స్‌లో అయితే 5 శాతమే వాడటానికి వీలుంది.