ఆయన పక్కన కోహ్లీ పిల్లోడిలా ఉన్నాడు
Andhra Pradesh Telugu | Suryaa Desk | Published : Mon, Aug 07, 2017, 03:31 PM
కొలంబో: మూడు టెస్టులు, ఐదు వన్డేలు, ఏకైక టీ20 కోసం కోహ్లీ సేన ప్రస్తుతం శ్రీలంకలో పర్యటిస్తున్న సంగతి తెలిసిందే. ఇరు జట్ల మధ్య రెండో టెస్టు ఆదివారం ముగిసింది. ఇన్నింగ్స్‌ 53 పరుగుల తేడాతో విజయం సాధించి 2-0తో తిరుగులేని ఆధిక్యం సంపాదించింది. మ్యాచ్‌ అనంతరం మీడియా సమావేశంలో పాల్గొన్న కోహ్లీ ఆ తర్వాత జట్టు సభ్యులతో కలిసి సంబరాలు చేసుకున్నాడు.
ఆదివారం సాయంత్రం కోహ్లీ ఓ ప్రత్యేక అతిథిని కలిశాడు. ప్రముఖ రెజ్లర్‌తో సమావేశమయ్యారు. ఇందుకు సంబంధించిన ఫొటోలను కోహ్లీ సోషల్‌మీడియా ద్వారా అభిమానులతో పంచుకున్నాడు. ఇంతకీ అతనెవరంటే భారత ప్రొఫెషనల్‌ రెజ్లర్‌ దలీప్‌ సింగ్‌ రానా అలియాస్‌ ద గ్రేట్‌ ఖలీ. ‘ద గ్రేట్‌ ఖలీని కలవడం ఎంతో ఆనందంగా ఉంది’ అని కోహ్లీ పేర్కొన్నాడు. ఖలీ పక్కన కూర్చున్న, నిల్చున్న ఫొటోలను కోహ్లీ ట్విటర్‌లో ఉంచాడు. ఆ ఫొటోలను చూసిన అభిమానులు ఆశ్చర్యపోయారు. 7.1 అడుగుల ఎత్తు ఉన్న ఖలీ పక్కన కోహ్లీ చిన్నోడిలా కనిపిస్తున్నాడు. ఈ ఇరువురి ఫొటోలను చూసిన అభిమానులు నెట్టింట్లో సరదా కామెంట్లు పెట్టారు. ‘ఖలీ పక్కన కోహ్లీ పిల్లోడిలా ఉన్నాడు’, ‘కోహ్లీ నువ్వు చాలా చిన్నగా ఉన్నావు’, ‘ఇలా ఎత్తుగా ఉన్న ఫాస్ట్‌బౌలర్‌ నీకు అవసరం’ అని ఎవరికి నచ్చినట్లు వారు ట్వీట్లు పెట్టారు.
|
|