ట్రెండింగ్
Epaper    English    தமிழ்

‘పసుపు పాలు’.. ఆరోగ్యానికి ఎంతో మేలు

Andhra Pradesh Telugu |  Suryaa Desk  | Published : Tue, Jul 25, 2017, 05:21 PM

రోజూ పాలు తాగడం ఆరోగ్యానికి ఎంతో మంచిది. పాలు శరీరానికి కావాల్సిన పోషకాలతో పాటు.. మెదడును ఎంతో చురుగ్గా ఉంచుతాయి. అందులో ఉండే యాంటీ ఆక్సిడెంట్స్ మెదడులోని కణాలు ఆరోగ్యంగా ఉంటాయి. రోజూ మూడు గ్లాసుడు పాలు తాగేవారు వ్యాధులకు దూరంగా ఉంటారని పలు పరిశోధనలు తెలుపుతున్నాయి. అలాంటి మంచి గుణాలు కలిగిన పాలకు.. పసుపు తోడైతే.. ఆరోగ్యానికి బోనస్ లభించినట్లే.


పాలలోని పోషకాలు, పసుపులోని ఔషద గుణాలు.. మనల్ని మరింత ఆరోగ్యంగా ఉంచుతాయి. ఇది ఇప్పటి చిట్కా కాదు. మన పూర్వికులు ఆరోగ్య రహస్యం గురించి ఆరా తీస్తే ఈ విషయం వెల్లడైంది. ముఖ్యంగా దగ్గు, జలుబుతో బాధపడేవారు.. ఈ పసుపు పాలను తీసుకుంటే, ఇట్టే ఉపశమనం పొందవచ్చు. పసుపులో ఉండే యాంటీసెప్టిక్, యాస్ట్రింజెంట్ వల్ల శ్వాసకోస సంబంధిత వ్యాధులను దూరం చేస్తుంది.


అంతేకాదు, కఫం ఎక్కువగా ఉండి ఇబ్బందిపడేవారు వెచ్చని పసుపు పాలు తీసుకుంటే ఉపశమనం కలుగుతుంది. పాలలో సెరటోనిన్‌ అనే బ్రెయిన్‌ కెమికల్‌, మెలటోనిన్‌లు ఉంటాయి. ఇవి పసుపులో ఉండే వైటల్‌ న్యూట్రియంట్స్‌తో కలిసి ఒత్తిడిని తొలగిస్తాయి. దానివల్ల హాయిగా నిద్ర పడుతుంది.


పసుపు పాల వల్ల కలిగే మరిన్ని ప్రయోజనాలు


❤ రోగ నిరోధకశక్తిని పెంచుతాయి.


❤ ముక్కు దిబ్బడ, తలనొప్పి, ఇతర నొప్పులను తగ్గిస్తుంది.


❤ కీళ్ల వాపులు, నొప్పులు తగ్గాలంటే పసుపు పాలను క్రమం తప్పక తాగాలి.


❤ పసుపు పాలలో ఉండే పోషకాలు రక్త ప్రసరణను మెరుగుపరిచి లింఫాటిక్‌ సిస్టమ్‌ను కూడా శుద్ధిచేస్తాయి.


❤ కామెర్లు దరిచేరకుండా అరికడుతుంది.


❤ పసుపులో ఉండే కర్‌క్యుమిన్‌ శరీరంలో వైరస్‌ వృద్ధిని అరికడుతుంది.


❤ నీటి ద్వారా శరీరంలోకి చేరుకున్న వైరస్‌ త్వరితగతిన రెట్టింపు అవకుండా పసుపు నియంత్రిస్తుంది.


❤ కాలేయంలో చేరే విషకారకాలను హరిస్తుంది.


❤ పసుపు పాలు వైరల్‌ దాడి నుంచి కాలేయాన్ని రక్షిస్తాయి. కాబట్టి కాలేయ సంబంధ పచ్చ కామెర్ల లాంటి వ్యాధులు రావు.


❤ పసుపులో యాంటీ ఇన్‌ఫ్లమేటరీ వల్ల కీళ్లు బలపడతాయి.


❤ రుతుక్రమం వల్ల కలిగే పొత్తి కడుపు, ఇతర ఒంటి నొప్పులను దూరం చేస్తుంది.






SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. https://www.suryaa.com/ and https://epaper.suryaa.com