మహిళల కోసం ఇన్‌స్టంట్ లోన్స్..

ఉద్యోగం చేసే మహిళలకైనా, గృహిణులకైనా సరే.. ఏదో ఒక సందర్భంలో ఆర్థిక ఇబ్బందులు ఏర్పడతాయి. డబ్బులు కొరత ఏర్పడి అప్పు చేయాల్సిన పరిస్థితి వస్తుంది. అలాంటి సమయంలో మహిళలకు ఆర్థికంగా సహాయం అందించడానికి బ్యాంకులు రుణాలు అందిస్తున్నాయి. తక్కువ వడ్డీ రేటుతో వ్యక్తిగత రుణాలను అందిస్తున్నాయి.మహిళలు బిజినెస్ పెట్టుకుని ఎదగాలనుకున్నా, పెద్ద పెద్ద చదువులు చదవాలనుకున్నా ఇలా ఏదైనా సరే ప్రభుత్వ పథకాల ద్వారా లోన్లు పొందే అవకాశం ఉంది. మహిళల అభివృద్ధి కోసం ప్రభుత్వం కొన్ని పథకాలను రూపొందించింది. ఈ పథకాలను అనుసరించి బ్యాంకులు లోన్లు అందిస్తున్నాయి. రూ.10 లక్షల నుంచి కోటి రూపాయల వరకూ లోన్లు పొందవచ్చు.మహిళల ఆర్థిక అవసరాలు తీర్చుకునేందుకు శక్తి శక్తి ప్రభుత్వ పథకం అమల్లో ఉంది. IDFC బ్యాంక్ లోన్ అందిస్తుంది. చిన్న తరహా వ్యాపారాలు పెట్టుకునేందుకు ముద్రా యోజనా పథకం ద్వారా మహిళలు రుణాలు పొందవచ్చు. అలాగే వి స్వశక్తి పథకం ద్వారా విజయ బ్యాంక్‌లో లోన్ తీసుకోవచ్చు. ఇవే కాకుండా మహిళా ఉదయం నిధి, అన్నపూర్ణ, మహిళా వికాస్ యోజనా, కల్యాణీ కార్డ్ స్కీమ్‌ల, స్టాండ్ అప్ ఇండియా పథకాల ద్వారా మహిళలు లోన్లు పొందవచ్చు.అలాగే మహిళలు వ్యాపారాలు పెట్టుకోవడానికే కాకుండా ఇంట్లో అవసరాలను తీర్చుకోవడానికి బ్యాంకులు పర్సనల్ లోన్లు అందిస్తున్నాయి. దీనికోసం మహిళలు తమ దగ్గర ఉన్న బంగారాన్ని తాకట్టు పెట్టిన రుణం పొందవచ్చు. తక్షణమే డబ్బు పొందవచ్చు. అలాగే ఫిక్సడ్ డిపాజిట్లపై రుణాలు పొందవచ్చు. మహిళలు తమ పేరు మీద ఉండే ఫిక్స్‌డ్ డిపాజిట్లను తాకట్టు పెట్టి వ్యక్తిగత రుణాలు పొందవచ్చు. అలాగే మహిళలు తమ బీమా, మ్యూచువల్ ఫండ్స్, షేర్లను కూడా బ్యాంకుల ద్వారా ఫైనాన్సింగ్ పొందే అవకాశం ఉంది.తక్షణం లోన్లు అందించడానికి కొన్ని యాప్‌లు అందుబాటులో ఉన్నాయి. గూగుల్ ప్లే స్టోర్‌ నుంచి ఈ యాప్‌లను ఉచితం డౌన్‌లోడ్ చేసుకోవచ్చు. ఎటువంటి పరిస్థితుల్లోనైనా నగదు కోసం ఈ యాప్‌ల్లో దరఖాస్తు చేసుకోవచ్చు. వెంటనే డబ్బులు పొందవచ్చు. అందులో ఒకటి క్యాష్ యాప్.క్యాష్ యాప్‌ ద్వారా అప్లై చేసుకునే రోజు నుంచి 15 రోజుల నుంచి 180 రోజుల్లో రుణం పొందవచ్చు. దీనికోసం యాప్‌లో పేరు, వయస్సు, మొబైల్ నెంబర్, ఆదాయ వివరాలు, అడ్రస్‌ల నమోదు చేయాలి. ఆ వివరాల ద్వారా అభ్యర్థికి లోన్‌ ఇవ్వాలో.. లేదో పరిశీలించి అప్పుడు లోన్ అందించడం జరుగుతుంది. అదేవిధంగా పే సెన్స్ అనే యాప్ కూడా లోన్లు అందిస్తుంది. ఈ యాప్ ద్వారా రూ.5000 నుంచి 5 లక్షల వరకు రుణం అందిస్తోంది. ఇందులో తీసుకన్న రుణాన్ని EMIలో చెల్లించే వెసులుబాటు ఉంది. ఇండియా బుల్స్ ధని యాప్ కూడా లోన్ అందిస్తుంది. 11.99 శాతం కంటే తక్కువ వడ్డీ రేటుతో రుణాలు మంజూరు చేస్తుంది. లోన్ కోసం ఎటువంటి ఫిజికల్ డాక్యుమెంటేషన్ అవసరం లేదు. అలాగే మనీ వ్యూ యాప్‌లో పర్సనల్ లోన్ కోసం అప్లై చేసుకోవచ్చు. ఐదేళ్లలో ఎప్పుడైనా తిరిగి చెల్లించవచ్చు.మహిళల కోసం ప్రభుత్వ పథకాలు, బ్యాంకులు, యాప్‌ల ద్వారా కూడా రుణాలు తీసుకునే ఛాన్స్ ఉంది. ఎప్పుడైనా డబ్బు అవసరమైనప్పుడు ఒత్తిడికి గురికాకుండా ఇందులో ఏదో రకంగా రుణం పొంది. ఆ అవసరం తీర్చుకోవచ్చు. పైగా మహిళలు తీసుకునే రుణాలపై తక్కువ వడ్డీపడే వెసులుబాట్లు ఉన్నాయి.మహిళలకు బాధ్యతలెక్కువ... ఇంటికి అవసరమయ్యే ప్రతిది వాళ్లే చూసుకుంటారు. ఏదైనా ఆర్థిక అవసరాలు వచ్చినప్పుడు అయినవాళ్లను, తెలిసిన వాళ్లను డబ్బు కోసం అడుగుతుంటారు. అయితే చాలామంది మహిళలకు ఇలాంటి లోన్స్ గురించి తెలియకపోవచ్చు. అలాంటివాళ్లకు తెలిసేలా ఈ విషయాన్ని షేర్ చేయండి.