బాలికకి పలావు ప్యాకెట్ ఎరవేసి దారుణం
Andhra Pradesh Telugu | Suryaa Desk | Published : Wed, Sep 16, 2020, 06:21 PM
పుట్టుకతో బధిరురాలైన బాలికపై కన్నేశాడో కామాంధుడు. పలావు ప్యాకెట్ పేరుతో నీచానికి ఒడిగట్టాడు. నిర్మానుష్య ప్రాంతానికి తీసుకెళ్లి అత్యాచారానికి తెగబడ్డాడు. ఏడుస్తూ కనిపించిన బాలికను మరో వ్యక్తి రక్షించి ఇంటి వద్ద దిగబెట్టాడు. గాయాలతో ఇంటికి తొరిగొచ్చిన చిన్నారిని ఏమైందని కుటుంబ సభ్యులు ఆరా తీయడంతో దారుణం వెలుగులోకి వచ్చింది. ఈ అమానుష ఘటన తూర్పు గోదావరి జిల్లాలో చోటుచేసుకుంది. టైమ్స్ ఆఫ్ ఇండియా కథనం మేరకు.. రాజానగరం మార్కెట్ ఏరియాకి చెందిన బధిర బాలిక(9)పై అదే ఏరియాలో ఓ మాంసం దుకాణంలో పనిచేస్తున్న అన్నపురెడ్డి దుర్గారావు(22) కన్నేశాడు. బాలిక ఇంటికి వచ్చిన కామాంధుడు పలావు ప్యాకెట్ తెచ్చుకుందామని నమ్మబలికాడు. మాయమాటలు నమ్మేసిన అభాగ్యురాలు దుర్గారావు బైక్‌ ఎక్కింది. అప్పటికే మద్యం మత్తులో ఉన్న కీచకకుడు ఆమెను ఊరి శివారులోని అట్టల ఫ్యాక్టరీ వెనక్కి తీసుకెళ్లి అత్యాచారం చేశాడు.అభాగ్యురాలిపై కామకోరికలు తీర్చుకున్నాడు. అనంతరం ఆమెను అక్కడే వదిలేసి పరారవడంతో చిరిగన బట్టలతో బాధితురాలు రోడ్డుపై రోదిస్తూ కూర్చుని ఉంది. బాలికను గమనించిన మరో వ్యక్తి ఆమెను రాజానగరంలోని ఆమె ఇంటికి సమీపంలో వదిలివెళ్లాడు. రాత్రివేళ చిరిగిన బట్టలతో గాయాలతో ఇంటికొచ్చిన కూతురిని చూసి కుటుంబ సభ్యులు షాకయ్యారు. నెమ్మదిగా ఆరా తీయడంతో దారుణం వెలుగులోకి వచ్చింది. వెంటనే బాధితురాలి కుటుంబ సభ్యులు పోలీసులను ఆశ్రయించారు. నిందితుడిని అరెస్టు చేసిన పోలీసులు పోక్సో చట్టం కింద కేసు నమోదు చేసి దర్యాప్తు చేపట్టారు.
|
|