రెడ్ మీ 9ఐ వచ్చేసింది.. 5000 ఎంఏహెచ్ బ్యాటరీ, హెచ్‌డీ+ డిస్ ప్లే

రెడ్ మీ 9ఐ స్మార్ట్ ఫోన్ మనదేశంలో రెడ్ మీ 9 సిరీస్ లో లాంచ్ అయింది. ఈ స్మార్ట్ ఫోన్ కూడా ప్రాథమిక శ్రేణి ధరలోనే లాంచ్ అయింది. ఇందులో రెండు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 4 జీబీ ర్యామ్ + 64 జీబీ స్టోరేజ్ వేరియంట్ ధరను రూ.8,299గా నిర్ణయించారు. 4 జీబీ ర్యామ్ + 128 జీబీ స్టోరేజ్ వేరియంట్ ధరను రూ.9,299గా నిర్ణయించారు. మిడ్ నైట్ బ్లాక్, సీ బ్లూ, నేచర్ గ్రీన్ రంగుల్లో ఈ ఫోన్ అందుబాటులో ఉంది. ఫ్లిప్ కార్ట్, ఎంఐ.కాం, ఎంఐ హోం స్టోర్లలో ఈ ఫోన్ అందుబాటులో ఉంది. షియోమీ ఆఫ్ లైన్ రిటైల్ పార్ట్‌నర్ల వద్ద కూడా ఈ ఫోన్ లభించనుంది.ఇందులో 6.53 అంగుళాల హెచ్ డీ+ డిస్ ప్లేను రియల్ మీ అందించింది. దీని యాస్పెక్ట్ రేషియో 19.5:9గా ఉంది. మీడియాటెక్ హీలియో జీ25 ప్రాసెసర్ పై ఈ స్మార్ట్ ఫోన్ పనిచేయనుంది. 4 జీబీ ర్యామ్, 128 జీబీ వరకు స్టోరేజ్ ను ఇందులో అందించారు. మైక్రో ఎస్ డీ కార్డు ద్వారా ఇందులో స్టోరేజ్ ను 512 జీబీ వరకు పెంచుకునే అవకాశం ఉంది.ఇందులో వెనకవైపు 13 మెగా పిక్సెల్ కెమెరాను అందించారు. సెల్ఫీల కోసం ముందువైపు 5 మెగాపిక్సెల్ కెమెరాను అందించారు. ఆండ్రాయిడ్ 10 ఆధారిత ఎంఐయూఐ 12 ఆపరేటింగ్ సిస్టంపై పోకో ఎం2 పనిచేయనుంది. దీని బ్యాటరీ సామర్థ్యం 5,000 ఎంఏహెచ్ కాగా, 10W ఫాస్ట్ చార్జింగ్ ఫీచర్ కూడా ఇందులో ఉంది.వో వైఫై, 4జీ, వోల్టే సపోర్ట్, బ్లూటూత్ 5.0, జీపీఎస్/ఏ-జీపీఎస్, మైక్రో యూఎస్ బీ పోర్టు, 3.5 ఎంఎం హెడ్ ఫోన్ జాక్ వంటి కనెక్టివిటీ ఫీచర్లు ఇందులో ఉన్నాయి. గైరో సెన్సార్, ప్రాక్సిమిటీ సెన్సార్, యాంబియంట్ లైట్ సెన్సార్, ఈ-కంపాస్‌లు కూడా ఇందులో ఉన్నాయి. దీని మందం 0.9 మిల్లీమీటర్లుగానూ, బరువు 194 గ్రాములుగానూ ఉంది.