ప్రెగ్నెన్సీ సమయంలో ఒత్తిడి ఎందుకు..?

తల్లి అవ్వడం అంటే.. కేవలం పిల్లలకు జన్మనివ్వడమే కాదు అదొక బాధ్యత. జీవితాంతం వారికి ఏ కష్టం కలగకుండా చూసుకోవాలి. అలా చూసుకోవడానికి ఇంట్లో అవకాశం ఉండకపోవచ్చు. అయినా పిల్లలకు ఏ లోటు రాకుండా చూడాలని మహిళలు పరితపిస్తుంటారు. దానికోసం ఎన్ని కష్టాలైనా పడతారు. అందుకే రెండో సారి ప్రెగ్నెన్సీ అయిన సమయంలో ఆనందంతో పాటు ఆందోళన కూడా ఉంటుంది.సెకండ్ పెగ్రెన్సీ టైమ్‌లో గర్భిణీలు కొంచెం టెన్షన్ పడతారు. వారి హెల్త్, ఫైనాన్స్ అలాగే రిలేషన్ షిప్‌కు సంబంధించిన విషయాలపై ఆందోళన చెందుతారట. పిల్లల పెరుగుదల, ఆర్థిక పరిస్థితులపై గర్భిణీలు ఎక్కువగా వర్రీ అవుతారట. అయితే ఇలాంటి సందర్భాల్లో మహిళలు ఎటువంటి ఆందోళన లేకుండా ఉండాలని వైద్య నిపుణులు చెబుతున్నారు. వీలైనంత వరకూ పాజిటివ్‌గా ఆలోచించడానికి ప్రయత్నించాలని సూచిస్తున్నారు.గర్భిణీలు దేనిగురించి ఆలోచించకుండా ప్రస్తుతంలో జీవించాలి. గతం గురించి లేదా భవిష్యత్తు గురించి ఆలోచించి ఆందోళనకు గురికాకూడదు. లేని సమస్యలను తలచుకుని వర్రీ అయ్యే బదులు సంతోషంగా ఉండేందుకు ప్రాధాన్యం ఇవ్వాలి.గర్భిణులు ఒత్తిడికి లోనై తిండి మీద శ్రద్ధ పెట్టరు. అలాకాకుండా సమయానికి ఆహారాన్ని తీసుకోవాలి. గర్భిణీల్లో హార్మోన్ ఛేంజెస్ వల్ల అలసట వచ్చే అవకాశం ఉంది. కాబట్టి, యాక్టివ్‌గా ఉండేందుకు డైట్‌లో గైనకాలజిస్ట్ సూచనల మేరకు కొన్ని మార్పులు చేసుకోవాలి. సరైన ఆహారం తీసుకుంటే ప్రెగ్నన్సీ సమయమంతా హెల్తీగా ఉంటారు. గర్భిణీలు యోగా, మెడిటేషన్ సెషన్స్‌లో జాయిన్ అవడం మంచిది. ఇవి నెగటివ్ ఫీలింగ్స్‌ను తొలగించి పాజిటివ్ యాటిట్యూడ్‌ను పెంపొందిస్తాయి. ప్రెగ్నన్సీలో పాజిటివ్ థింకింగ్ అనేది ఎంతో హెల్ప్ ఫుల్‌గా ఉంటుంది. బ్రీతింగ్ ఎక్స్‌ర్‌సైులు మనసులో దాగున్న ఒత్తిడినంతా బయటకి పంపిస్తాయి. నెగటివ్ థాట్స్‌కు దూరంగా ఉండాలి.గర్భిణీలు తమ పనులు పూర్తి చేయడానికి పార్టర్నర్‌ నుంచి కుటుంబసభ్యుల నుంచి సహాయం కోరడం మంచిది. అవసరమైనంత మేరకు వర్క్ ను డెలిగేట్ చేయడం నేర్చుకోవాలి. అప్పుడే అదనపు స్ట్రెస్ తగ్గుతుంది. ఈ సమయంలో పేరెంటింగ్‌కి సంబంధించి అవగాహన పెంచుకోవాలి. పిల్లల సైకాలజీని అర్థం చేసుకునే విషయంపై ఫోకస్ పెట్టాలి. పుట్టబోయే బిడ్డను తలుచుకుని ఆ ఆనంద క్షణాలను పూర్తిగా ఆస్వాదించాలి.మహిళలకు బాధ్యతలు ఎక్కువవడంతో ఎక్కువగా ఒత్తిడికి గురవుతుంటారు. భవిష్యత్తును తలుచుకుని ముందుగానే ఆందోళన చెందుతుంటారు. లోలోపలే మదనపడుతూ ఉంటారు. దాని నుంచి ఎలా బయటపడాలో కూడా తెలియదు. మహిళలందరికీ ఈ విషయం తెలిసేలా ఈ సమాచారాన్ని షేర్ చేయండి.