కుంకుమ తయారీ వ్యాపారంతో ఖ‌చ్చిత‌మైన‌ రాబ‌డి..

భారతదేశంలో విరివిగా వాడే వాటిలో కుంకుమ కూడా ఒకటి. కుంకుమని ఎక్కువగా మహిళలు, దేవుడు పూజల దగ్గర ఇంకా చాలా సందర్భాల్లో కూడా ఉపయోగిస్తారు. బయటి మార్కెట్లో చాలా రకాలైన కుంకుమలు దొరుకుతాయి. ఇందులో ఎన్నో రసాయనాలు కలిపి తయారు చేసిన కుంకుమ ఎక్కువ. వీటిని వాడటం వల్ల చాలా మందికి అలర్జీలు, ఆరోగ్య సమస్యలు రావడం జరుగుతోంది. వీటన్నింటికీ పరిష్కారం తయారు చేసిన కుంకుమ సరిగ్గా దొరకకపోవడం. కావున ఈ కుంకుమను తయారుచేసే అమ్ముకోగలిగితే మంచి లాభాలను పొందవచ్చు.కుంకుమను ఎలా తయారు చేసి దాని మార్కెటింగ్ చేసుకోగలిగితే లాభాలను ఎలా పొందవచ్చో తెలుసుకుందాం. దీన్ని తయారు చేయుటకు ప్యాకింగ్ మిషన్, గ్రైండర్ అవ‌స‌ర‌మ‌వుతాయి. వీటితో పాటు దీనికి కావలసిన ముడిసరుకుల విషయాన్ని కూడా తెలుసుకుందాం. ముఖ్యంగా ప‌సుపుకొమ్ములు, ఇల్లిగారం, స్పటిక, నిమ్మకాయలు అవసరం పడతాయి. ఇప్పుడు కుంకుమ ఎలా తయారు చేయాలో చూద్దాం.మొదటగా స్పటిక, ఇల్లిగారంలను తీసుకొని కచ్చపచ్చగా చేసుకొని అందులో నిమ్మకాయ రసాన్ని కలుపుకోవాలి. ఆ తర్వాత పసుపు కొమ్ములను తీసుకొని దానితో కలిపేసుకోవాలి. ఇలా దీనిని ఒక రోజంతా ఒకచోట ఉంచుకోవాలి. మరుసటి రోజు వేరే పాత్రలోకి మార్చుకొని నీడ ఉన్నచోట దీనిని ఆరబెట్టుకోవాలి. ఆ తర్వాత దీన్ని గ్రైండర్లో వేసి బాగా గ్రైండ్ చేసుకోవాలి. ఇలా వచ్చిన దానిని తెల్లగుడ్డలో తీసుకోని చల్లార్చుకోవాలి. ఇప్పుడు మనకు కావలసిన అసలైన కుంకుమ తయారవుతుంది.ఇలా తయారు చేసిన కుంకుమను ప్యాకింగ్ మిషన్లో వేసి కావలసిన బరువుతో ప్యాక్ చేసుకోవాల్సి ఉంటుంది. 50 గ్రాములు, 100 గ్రాములు, 200 గ్రాములు, పావు కిలో, అర కిలో, కేజీ ఇలా ఎలా అవసరం అయితే ఆ విధంగా ప్యాకింగ్ చేసుకోవాలి. ఈ వ్యాపారంలో లాభాలు విషయానికి వస్తే మనం పెట్టిన పెట్టుబడికి 20 నుంచి 30 శాతం వరకు ఆదాయం పొందవచ్చు. ఈ వ్యాపారం కోసం బయట ఎక్కడ స్థలం తీసుకోవాల్సిన అవసరం లేదు. మ‌న‌ ఇంట్లో నుంచే దీనిని తయారు చేసి అమ్ముకోవచ్చును.ప్రతి వ్యాపారం లాగే ఈ వ్యాపారానికి కూడా మార్కెటింగ్ అనేది చాలా ముఖ్యం. హోల్‌సేల్‌ మార్కెట్లో, సూపర్ బజార్, కిరాణా షాపుల్లో, ముఖ్యంగా పూజాసామాగ్రి దుకాణ‌ల్లో వీటిని మార్కెటింగ్ చేసుకోగలిగితే మనం తయారు చేసిన కుంకుమను ఈజీగా మార్కెటింగ్ చేసుకోవచ్చు. ఈ వ్యాపారాన్ని ప్రారంభించాలంటే ప్రభుత్వం యొక్క అనుమతి ఖ‌చ్చితంగా తీసుకోవాలి. మనకంటూ ఒక బ్రాండ్ క్రియేట్ చేసుకొని దానిపై వ్యాపారం సాధించే విధంగా చూసుకోవాలి.