బాధాకరం: తోపుడు బండిపై కరోనా మృతదేహం తరలింపు
Andhra Pradesh Telugu | Suryaa Desk | Published : Sun, Sep 13, 2020, 05:44 PM
పూణెలో అత్యంత దారుణమైన పరిస్థితి నెలకొంది. కరోనా వ్యాధి సోకి ఇంట్లో మరణించిన యువకుడి మృతదేహాన్ని కుటుంబ సభ్యులు తోపుడు బండిపై అంత్యక్రియలకు తరలించారు. వివరాల్లోకి వెళ్తే ఖానాపూర్‌కు చెందిన ఓ యువకుడికి ఇటీవల కరోనా సోకింది. శ్వాసకోశ సమస్య ఉండడంతో ఆస్పత్రికి తరలించారు. వార్డులో బెడ్‌లు ఖాళీగా లేకపోవడంతో యువకుడు వైద్యులను సంప్రదించకుండానే ఇంటికి వెళ్లిపోయాడు. ఆరోగ్యం క్షీణించి మృతిచెందాడు.మృతదేహాన్ని తరలించడానికి అంబులెన్స్‌కు ఫోన్‌చేయగా ఎవరు స్పందించలేదు. దాంతో చేసేది లేక కుటుంబ సభ్యులు తోపుడు బండిపై మృతదేహాన్ని తరలించి అంత్యక్రియలు నిర్వహించారు. అతడి ఆరోగ్యం క్షీణించినప్పుడు, తాము అంబులెన్స్‌కు ఫోన్ చేసినా ప్రయోజనం లేకపోయింది అని గ్రామ సర్పంచ్ నిలేశ్ జవాల్కర్ అన్నారు. ఈ ఘటనపై వైద్యాధికారులను వివరణ కోరినట్లు పూణె వైద్యాధికారి ఆయుశ్ ప్రసాద్ తెలిపారు.
|
|