కారు కొనే వారికి అదిరిపోయే ఈఎంఐ స్కీమ్స్

కొత్తగా కారు కొనుగోలు చేయాలని ప్లాన్ చేస్తున్నారా? అయితే మీకు శుభవార్త. మీకోసం అదిరిపోయే ఆఫర్లు అందుబాటులో ఉన్నాయి. సెప్టెంబర్ నెలలో కారు కొనుగోలు చేసిన వారికి ఈ ఆఫర్లన్నీ వర్తిస్తాయి. ప్రముఖ కార్ల తయారీ కంపెనీ హ్యుందాయ్ తన కారు కొనే వారికి చాలా బెనిఫిట్స్ అందిస్తోంది. హ్యుందాయ్ కార్లు కొనుగోలు చేసే వారికి రూ.60,000 వరకు ప్రయోజనాలు లభిస్తున్నాయి. ఎంపిక చేసిన హ్యుందాయ్ కార్లకు ఇది వర్తిస్తుంది. ఆరా, గ్రాండ్ ఐ10, గ్రాండ్ ఐ10 నియోస్, ఎలైట్ ఐ20, ఎలంట్రా, శాంట్రో వంటి మోడళ్లపై ఆఫర్లు అందుబాటులో ఉన్నాయి. సెప్టెంబర్ 30 వరకు కారు కొనుగోలు చేసిన వారికి ఈ ప్రయోజనాలు వర్తిస్తాయి.హ్యుందాయ్ ఆరా కారుపై రూ.20,000 వరకు, హ్యుందాయ్ గ్రాండ్ ఐ10 నియోస్ కారు కొనుగోలుపై రూ.25,000 వరకు, హ్యుందాయ్ ఎలంట్రా కారు కొనుగోలుపై రూ.60,000 వరకు, శాంట్రో కారుపై రూ.45 వేల వరకు, ఎలైట్ ఐ20 కారుపై రూ.60 వేల వరకు, గ్రాండ్ ఐ10పై కూడా రూ.60 వేల వరకు తగ్గింపు ప్రయోజనాలు పొందొచ్చు. క్యాష్ డిస్కౌంట్, కార్పొరేట్ డిస్కౌంట్, ఎక్స్చేంజ్ ఆఫర్ వంటివి ఈ తగ్గింపు ప్రయోజనాలు కలిసి ఉంటాయి. సీఏలు, టీచర్లు, డాక్టర్లు, పలు కార్పొరేట్ ఉద్యోగులకు, మెడికల్ సిబ్బందికి ప్రత్యేకమైన ఆఫర్లు అందుబాటులో ఉన్నాయి. అతేకాకుండా కారు కొనేందుకు సరిపడ డబ్బులు లేకపోయినా కూడా ఆకర్షణీయ ఫైనాన్స్ స్కీమ్స్ పొందొచ్చు. లోన్ తీసుకొని కారు కొనుగోలు చేస్తే తొలి 3 నెలలు తక్కువ ఈఎంఐ ప్రయోజనం పొందొచ్చు. కారు లోన్ మొత్తాన్ని 8 ఏళ్లలోపు చెల్లించాల్సి ఉంటుంది. కారు ధరకు 100 శాతం ఫైనాన్స్ లభిస్తుంది.