బిగ్ బాస్ కంటెస్టెంట్‌పై పవన్ ఫ్యాన్స్ గరం.. ఇందుకేనా..?
Andhra Pradesh Telugu | Suryaa Desk | Published : Sat, Sep 12, 2020, 06:23 PM
బిగ్ బాస్ సీజన్ 4 లో ఓ కంటెస్టెంట్‌పై సోషల్ మీడియాలో వ్యతిరేకత వస్తుంది. ఆమె ఎవరో కాదు.. దేవి నాగవల్లి. ప్రతీ సీజన్‌లో కూడా కచ్చితంగా ఓ టీవీ 9 ఉద్యోగి ఉండేలా ప్లాన్ చేసుకుంటున్నారు. రెండో సీజన్ నుంచి ఈ ఆనవాయితీ కొనసాగుతుంది. అప్పుడు దీప్తి నల్లమోతును తీసుకున్నారు.. ఆ తర్వాత మూడో సీజన్ కోసం జాఫర్ వచ్చాడు.. ఇప్పుడు దేవి నాగవల్లి వచ్చింది. అయితే ఎప్పుడూ లేనంత వ్యతిరేకత ఈమెపై వస్తుంది. సోషల్ మీడియాలో పవన్ కళ్యాణ్ ఫ్యాన్స్ అయితే దేవిపై పగ బట్టారు. ఆమెను ఎలాగైనా బిగ్ బాస్ నుంచి ఎలిమినేట్ చేయండి అంటూ ఏకంగా కాంటెస్టులు రన్ చేస్తున్నారు. పవన్ కళ్యాణ్ అభిమానులు అయితే ఈమెను ప్రత్యేకంగా టార్గెట్ చేస్తున్నారు. ఛానెల్‌లో ఉన్నపుడు పవన్‌పై అనుచిత వ్యాఖ్యలు చేయడంతో ఆ ప్రతీకారాన్ని అభిమానులు ఇప్పుడు తీర్చుకుంటున్నారు. నువ్వు నామినేషన్‌కు వస్తే ఇంటికి మేం పంపిస్తామంటూ ఆమెపై ట్రోల్ మొదలు పెట్టారు. మరోవైపు సోషల్ మీడియా సపోర్ట్ అంతా గంగవ్వకే ఎక్కువగా కనిపిస్తుంది. ఒకవేళ నిజంగానే దేవి నాగవల్లి కానీ నామినేషన్‌లోకి వస్తే ఇంటికి పంపిస్తారేమో చూడాలి.
|
|