వాట్సప్ ఉంటే చాలు బ్యాంకింగ్ సేవలు మరింత ఈజీ

టెక్నాలజీ పుణ్యమా అని బ్యాంకింగ్ సేవలు రోజురోజుకు మరింత సరళమవుతున్నాయి. వాట్సాప్‌తోనే బ్యాంక్ సేవలను అందిస్తున్నాయి పలు బ్యాంక్ లు. ఇంటి నుంచే బ్యాంకకు సంబంధించిన సౌకర్యం పొందేలా పలు బ్యాంకులు రూపకల్పన చేశాయి. హెచ్ డిఎఫ్ సి, ఐసీఐసీఐ, కోటక్ బ్యాంక్ కస్టమర్లకు వాట్సాప్‌లోనే బ్యాంకింగ్ సేవలు అందించేందుకు ముందుకు వచ్చాయి. అయితే అన్ని బ్యాంకులు వారి కస్టమర్లకు ఈ సదుపాయాన్ని అందించడం లేదు. అయితే దిగ్గజ బ్యాంకులు మాత్రం వారి కస్టమర్లకు ఈ సర్వీసులు అందుబాటులో ఉంచాయి. 24గంటలు ఈ సేవలను వినయోగించుకోవచ్చు. బ్యాంకు సెలవు దినాల్లో కూడా ఇవి పని చేస్తాయి. అంతేకాదు ఎలాంటి ఛార్జీలు కూడా ఉండవు.ప్రైవేట్ రంగానికి చెందిన దిగ్గజ బ్యాంక్ హెచ్‌డీఎఫ్‌సీ బ్యాంక్ కూడా తన కస్టమర్లకు వాట్సాప్ బ్యాంకింగ్ సేవలు అందిస్తోంది. ఇకపోతే హెచ్‌డీఎఫ్‌సీ బ్యాంక్‌కు చెందిన కస్టమర్లు 7065970659 నెంబర్ ద్వారా వాట్సాప్ సర్వీసులు పొందొచ్చు. ఈ నంబర్ కు మిస్డ్ కాల్ ఇచ్చి వివరాలు తెలుసుకోవచ్చు. అలాగే వాట్సాప్ ద్వారా బ్యాంక్ ఖాతాదారులు అకౌంట్ బ్యాలెన్స్ వివరాలు పొందొచ్చు. అలాగే మిని స్టేట్‌మెంట్, చెక్ బుక్, క్రెడిట్ కార్డు వివరాలు, రుణాలకు సంబంధించి ప్రిఅప్రూవ్డ్ ఆఫర్లు పొందొచ్చు.మరోవైపు ఐసీఐసీఐ బ్యాంక్ కూడా తన కస్టమర్లకు వాట్సాస్ సర్వీసులు ఆఫర్ చేస్తోంది. ఈ బ్యాంక్‌కు చెందిన కస్టమర్లు 8640086400 అనే నెంబర్ ద్వారా వాట్సాప్ సర్వీసులు పొందొచ్చు. కస్టమర్లు వాట్సాప్ సర్వీసుల ద్వారా సేవింగ్స్ అకౌంట్ బ్యాంక్ బ్యాలెన్స్, చివరి 3 లావాదేవీల వివరాలు, క్రెడిట్ కార్డు లిమిట్, ప్రిఅప్రూవ్డ్ ఇన్‌స్టంట్ లోన్ ఆఫర్స్, కార్డు బ్లాక్ వంటి సేవలు పొందొచ్చు.అలాగే మరో ప్రైవేట్ బ్యాంక్ కోటక్ మహీంద్రా బ్యాంక్ కూడా తన కస్టమ్లకు వాట్సాప్ బ్యాంకింగ్ సేవలు ఆఫర్ చేస్తోంది. ఈ బ్యాంక్‌కు చెందిన కస్టమర్లు వాట్సాప్ సర్వీసులు పొందాలంటే 9718566655 నెంబర్‌‌కు మిస్డ్ కాల్ చేయాలి. తర్వాత 02266006022 నెంబర్ నుంచి మీకు వాట్సాప్ మెసేజ్ వస్తుంది. దీని ద్వారా వాట్సాప్ సర్వీసులు పొందొచ్చు. అకౌంట్ బ్యాలెన్స్ వివరాలతోపాటు మిని స్టేట్‌మెంట్, చెక్ బుక్, క్రెడిట్ కార్డు వివరాలు, రుణాలకు సంబంధించి పూర్తి వివరాలు తెలుసుకోవచ్చు.