మహిళలకు మంచి బిజినెస్.. నెలకు లక్షల్లో సంపాదన!

తలుచుకుంటే ఏదైనా సాధ్యం అవుతుంది. కొంచెం మనస్సు పెడితే మంచి ఆదాయ మార్గాలు మన ముందే ఉన్నాయి. ముఖ్యంగా మహిళలకు ఇలాంటి అవకాశాలు ఎక్కువున్నాయి. చేతిలో ఉన్న విద్యతోనే.. కొంచెం సాంకేతికతను జోడిస్తే.. లక్షల్లో సంపాదించవచ్చు. మహిళలకు ఎక్కువగా తెలిసిన పని.. టైలరింగ్. అయితే రెగ్యులర్‌గా డ్రెస్‌లు, జాకెట్లు కుడితే తక్కువ మొత్తంలో డబ్బు వస్తుంది. కానీ ఈ టైలరింగ్ వర్క్స్‌కి టెక్నాలజీని కలిపితే లక్షలు వచ్చిపడతాయి. కొంచెం కంప్యూటర్ నేర్చుకుంటే ఎంబ్రాయిడరీ వర్క్స్‌ బిజినెస్ స్టార్ట్ చేయోచ్చు.ఈ మధ్య కాలంలో కంప్యూట‌ర్ ద్వారా చేసే ఎంబ్రాయిడరీ డిమాండ్ పెరిగింది. కంప్యూట‌ర్ ఎంబ్రాయిడ‌రీ కోసం ఓ మిషిన్ కొనుగోలు చేయాల్సి ఉంటుంది. మార్కెట్‌లో రూ.90 వేల నుంచి రూ.25 ల‌క్ష‌ల విలువ చేసే ఎంబ్రాయిడరీ మెషిన్లు అందుబాటులో ఉన్నాయి. ఈ ఎంబ్రాయిడరీ మెషిన్స్ గురించి ఇంటర్నెట్, యూట్యూబుల్లో సమాచారం ఉంది. అంతేకాదు ఇండియా మార్ట్ లాంటి ఈ-కామ‌ర్స్ సైట్ల‌లో అందుబాటులో ఉన్నాయి. వీటిని కొనుగోలు చేస్తే సర్వీస్ కేంద్రం వారే వచ్చి ఫిక్స్ చేస్తారు. అంతేకాదు శిక్ష‌ణ కూడా ఇస్తారు.ఎంబ్రాయిడ‌రీ మెషిన్ల‌కు కంప్యూట‌ర్ అనుసంధానించి ఉంటుంది. కంపెనీ వారు ఇచ్చే డిజైన్లు ప్రోగ్రాం చేసి ఉంటాయి. క‌స్ట‌మ‌ర్లు ఎంచుకున్న డిజైన్‌ను అందులో ఫిక్స్ చేసి.. క్లాత్‌ను ఒక ఫ్రేమ్‌లో అమ‌ర్చి.. దాన్ని మెషిన్ నీడిల్ కింద స‌రైన పొజిష‌న్‌లో ఉంచితే చాలు.. దానంత‌ట అదే స్టిచింగ్ అవుతుంది. ఇలా ఓ 60 నుంచి 90 నిమిషాల్లో చిన్న మెషిన్ల‌పై కంప్యూట‌ర్ ఎంబ్రాయిడ‌రీ చేయ‌వ‌చ్చు. పెద్ద మెషిన్ల‌పై ఈ ప‌ని 30 నిమిషాల్లోపే పూర్త‌వుతుంది. ఒకేసారి ఎక్కువ దుస్తులు లేదా క్లాత్‌పై పెద్ద మెషిన్ల ద్వారా ఎంబ్రాయిడ‌రీ చేయవచ్చు. ఇక ఈ మెషిన్ల నిర్వ‌హ‌ణ‌కు కేవ‌లం కరెంట్ మాత్రమే ఖర్చు అవుతుంది. రంగుల దారాలు అవ‌స‌రం అవుతాయి. కస్ట‌మ‌ర్లు ఎంచుకునే డిజైన్‌ను బ‌ట్టి ముత్యాలు, ప‌లు ర‌కాల పూస‌ల‌ను అమ‌ర్చాల్సి ఉంటుంది.ఒక బ్లౌజ్‌పై ఎంబ్రాయిడరీ డిజైన్ చేస్తే కనీసం రూ. 300 నుంచి రూ. 500 వరకూ మార్కెట్లో చార్జ్ చేస్తున్నారు. ఒక సాధార‌ణ కంప్యూట‌ర్ ఎంబ్రాయిడ‌రీ మెషిన్ ద్వారా ఒక డిజైన్ చేస్తే కనీసం రూ.500 వ‌ర‌కు చార్జ్ చేయ‌వ‌చ్చు. అందులో ఖ‌ర్చులు పోను మనకు రూ.350 వ‌ర‌కు మిగులుతుంది. ఈ క్ర‌మంలో రోజుకు 10 డిజైన్లు వేసినా.. రోజుకు రూ.3500 వ‌ర‌కు.. నెల‌కు రూ.1,05,000 వ‌ర‌కు సంపాదించ‌వ‌చ్చు. బట్టల షాపుల వారితో కాంట్రాక్ట్ చేసుకుని దుస్తులకు ఎంబ్రాయిడరీ చేసి ఇస్తే.. నెలకు మంచి సంపాదన మీ సొంతమవుతుంది.రోటీన్‌గా కాకుండా మారుతున్న కాలానికి అనుగుణంగా మన చేతిలో ఉన్న పనికి చిన్నచిన్న మెళకువలను జోడించడంతో కచ్చితంగా మంచి ఫలితాలు లభిస్తాయి. ఏ మహిళలైనా సరే ఇలా స్మార్ట్‌గా థింక్‌ చేస్తే కచ్చితంగా ఏ బిజినెస్‌లోనైనా సక్సెస్ అవుతారు.తమను తాము ప్రూవ్ చేసుకోవాలని చాలామంది మహిళలు అనుకుంటుంటారు. అయితే చాలామందికి తగిన ప్రోత్సాహం లేక ఇబ్బందులు పడుతుంటారు. అలాంటి వారి కోసం ఇలాంటి బిజినెస్ ఐడియాలు ఎంతో ఉపయోగపడతాయి.