డీహైడ్రేషన్ లక్షణాలు, దారితీసే కారణాలు, పొంచి ఉన్న ప్రమాదాలు ఇవే...

మన శరీరంలోకి ప్రవేశించే నీటి కంటే మన శరీరం నుంచి బయటికి వెళ్లిపోయే నీటి శాతం ఎక్కువైతే డీహైడ్రేషన్ సమస్య వస్తుంది. శరీరంలో నీటి శాతం తగినంత లేకపోతే అనేక సమస్యలు ఎదుర్కోవలసి వస్తుంది. డీహైడ్రేషన్ లక్షణాలు, దారితీసే కారణాలు, పొంచి ఉన్న ప్రమాదాలేంటో ఇప్పుడు చూద్దాం...

డీహైడ్రేషన్ లక్షణాలు:

డీహైడ్రేషన్ కి సంబంధించిన మొదటి లక్షణం దాహం. ఎక్కువ నీటిని తాగాలన్న కోరిక కలగడం ప్రధాన లక్షణం. డ్రై మౌత్, కండరాల నొప్పులు, వికారం, వాంతులు, గుండెదడ, తలతిరగడం వంటి లక్షణాలు కనిపిస్తాయి.

దారితీసే కారణాలు

డయేరియా:

వాటర్ లాస్‌కి ప్రధాన కారణం డయేరియా. నీళ్ల విరేచనాల వల్ల శరీరంలో వాటర్ కంటెంట్ తగ్గిపోతుంది. డయేరియాతో తలెత్తే డీహైడ్రేషన్ వల్ల ప్రతి సంవత్సరం ప్రపంచవ్యాప్తంగా లక్షలాది మంది చిన్నారులు ప్రాణాలు కోల్పోతున్నారు.

వాంతులు:వాంతులవల్ల కూడా డీహైడ్రేషన్ సమస్య ఎదురవుతుంది. అదేపనిగా వాంతులవుతూ ఉంటే ప్రమాదకరం కూడా. శరీరంలో ఫ్లూయిడ్ లాస్ జరుగుతుంది.

చెమట:చెమట ద్వారా శరీరాన్ని చల్లబరిచే ప్రక్రియలో వాటర్ లాస్ జరుగుతుంది. వాతావరణం వల్ల శరీరం వేడిగా ఉన్నా, వేడి వాతావరణలో వ్యాయామం చేస్తున్నా, లేదా ఇన్ఫెక్షన్ వల్ల జ్వరం ఉన్నా చెమట ద్వారా శరీరం తనను తాను చల్లబరచుకోవడానికి ప్రయత్నిస్తుంది.

మధుమేహం:మధుమేహ వ్యాధిగ్రస్తుల్లో విపరీతమైన దాహం అలాగే తరచూ యూరినేషన్ అవసరం ఏర్పడటం వంటివి సహజం. వీటి వల్ల వారిలో వాటర్ లాస్ సమస్య తలెత్తుతుంది. డీహైడ్రేషన్ బారిన పడే ప్రమాదం ఉంది.

కాలిన గాయాలు:

ఫ్లూయిడ్ అలాగే టెంపరేచర్ రెగ్యులేషన్ కు స్కిన్ పోషించే రోల్ ముఖ్యమైనది. శరీరం గాయాలపాలైతే ఈ ఫంక్షనింగ్ దెబ్బతింటుంది. అందుకే, కాలిన గాయాల బారిన పడినవారు డీహైడ్రేషన్ కు గురవుతారు.

కిడ్నీఫెయిల్యూర్, కోమా, షాక్, గుండె జబ్బులు, ఎలెక్ట్రోలైట్ లో అబ్నార్మాలిటీస్ లాంటి ప్రమాదాలు డీహైడ్రేషన్ తో పొంచి ఉన్నాయి. కోల్పోయిన ఫ్లూయిడ్స్ ను రీప్లేస్ చేయడం ద్వారా డీహైడ్రేషన్ సమస్యను పరిష్కరిస్తారు. నోటి ద్వారా ఫ్లూయిడ్ ను రీప్లేస్ చేయవచ్చు. లేదా ఐవీ ద్వారా రీప్లేస్ చేయవచ్చు. ఓరల్ రీహైడ్రేషన్ ను ప్రయత్నించినప్పుడు స్మాల్ అమౌంట్స్ లో క్లియర్ ఫ్లూయిడ్స్ ను పేషంట్ కు అందిస్తూ ఉండాలి. క్లియర్ ఫ్లూయిడ్స్ కేటగిరీలోకి నీళ్లు, ఉడకబెట్టిన పులుసులు, పాప్సికల్స్, జెల్లోతో పాటు ఎలెక్ట్రోలైడ్స్ కలిగిన ఇతర రీప్లేస్మెంట్ ఫ్లూయిడ్స్ వస్తాయి.