ఈపీఎఫ్ ఖాతాదారులకు గుడ్ న్యూస్

ఎంప్లాయీస్ డిపాజిట్ లింక్డ్ ఇన్స్యూరెన్స్-EDLI స్కీమ్ బెనిఫిట్‌ను రూ.7 లక్షలకు పెంచింది ఈపీఎఫ్ఓ. గతంలో ఈ బెనిఫిట్ రూ.6 లక్షలు మాత్రమే ఉండేది. కానీ రూ.1 లక్ష పెంచుతూ నిర్ణయం తీసుకుంది ఈపీఎఫ్ఓ. ఎంప్లాయీస్ డిపాజిట్ లింక్డ్ ఇన్స్యూరెన్స్-EDLI స్కీమ్-1976 లోని ప్యారా 22(3) చేసిన సవరణలకు ఎంప్లాయీస్ ప్రావిడెంట్ ఫండ్ సెంట్రల్ బోర్డ్ ఆఫ్ ట్రస్టీస్ ఆమోదం తెలిపారని కేంద్ర ఉపాధి, కార్మిక మంత్రిత్వ శాఖ వెల్లడించింది. ఈ స్కీమ్ ఈపీఎఫ్ సబ్‌స్క్రైబర్లు అందరికీ వర్తిస్తుంది. రోడ్డు ప్రమాదంలో, అనారోగ్యంతో, ప్రకృతి విపత్తులో మరణించిన వారి కుటుంబ సభ్యులకు ఇకపై రూ.7 లక్షల బీమా డబ్బులు లభిస్తాయి.ఈపీఎఫ్ సబ్‌స్క్రైబర్ చనిపోవడానికి ముందు 12 నెలల కాలంలో ఒకటి కన్నా ఎక్కువ సంస్థల్లో పనిచేసి సర్వీసులో మరణించినట్టైతే వారి కుటుంబ సభ్యులకు కూడా బీమా ప్రయోజనం కల్పించాలని ఇటీవల ఈపీఎఫ్ఓ నిర్ణయించిన సంగతి తెలిసిందే. గతంలో అయితే ఈపీఎఫ్ సబ్‌స్క్రైబర్ చనిపోవడానికి ముందు 12 నెలల కాలంలో ఒకటి కన్నా ఎక్కువ సంస్థల్లో పనిచేసినట్టైతే ఇన్స్యూరెన్స్ బెనిఫిట్ లభించేది కాదు. వారికి కూడా బీమా కల్పించాలని సెంట్రల్ బోర్డ్ ఆఫ్ ట్రస్టీస్ కొద్ది రోజుల క్రితం నిర్ణయం తీసుకుంది. ఇప్పుడు గరిష్టంగా రూ.7 లక్షల బీమా ఇవ్వాలని ఈపీఎఫ్ఓ నిర్ణయించింది. ఈడీఎల్ఐ స్కీమ్‌లో కనీసం రూ.2.5 లక్షల ఇన్స్యూరెన్స్ లభిస్తుంది. ఈపీఎఫ్ ఖాతాదారులు సర్వీసులో ఉండగా మరణిస్తే నామినీకి ఈ బీమా మొత్తం లభిస్తుంది.ఈడీఎల్ఐ స్కీమ్ నెలకు బేసిక్ సాలరీ రూ.15,000 లోపు ఉన్న వారందరికీ వర్తిస్తుంది. ఈడీఎల్ఐ స్కీమ్‌లో చేరడానికి ఉద్యోగులు డబ్బులు చెల్లించాల్సిన అవసరం లేదు. ఎంప్లాయర్ మాత్రం బేసిక్ సాలరీలో 0.5% లేదా గరిష్టంగా రూ.75 ప్రతీ నెల చెల్లించాలి. ఈడీఎల్ఐ స్కీమ్‌లో చేరడానికి ఉద్యోగులు డబ్బులు చెల్లించాల్సిన అవసరం లేదు. ఎంప్లాయర్ మాత్రం బేసిక్ సాలరీలో 0.5% లేదా గరిష్టంగా రూ.75 ప్రతీ నెల చెల్లించాలి. ఈపీఎఫ్ సబ్‌స్క్రైబర్ సర్వీసులో చనిపోతే నామినీ ఈ బీమాను క్లెయిమ్ చేసుకోవచ్చు. ఇందుకోసం చనిపోయిన వ్యక్తి డెత్ సర్టిఫికెట్, ఫామ్ 5 ఐఎఫ్, నామినీ అకౌంట్‌కు చెందిన క్యాన్సల్డ్ చెక్ కావాలి.