ఫాస్ట్ ఫుడ్ ఎక్కువగా తింటే.. భవిష్యత్తులో సమస్యలు తప్పవంట. ముఖ్యంగా మహిళలు ఈ విషయాన్ని దృష్టి పెట్టుకోవాలి. అమ్మాయిలు జంక్ ఫుడ్కు ఎంత దూరంగా ఉంటే అంత మంచిదని అధ్యయనాల్లో వెల్లడైంది. ఫాస్ట్ ఫుడ్ తినడం తగ్గించుకోకపోతే భవిష్యత్తులో ప్రెగ్నెన్సీ కష్టమవుతుంది.మహిళల్లో జంక్ ఫుడ్ ప్రభావాలపై అడిలైడ్లోని రాబిన్సన్ రిసెర్చ్ ఇన్స్టిట్యూట్కు చెందిన పరిశోధకులు అధ్యయనం చేశారు. యూకే, ఆస్ట్రేలియా, న్యూజిల్యాండ్, ఐర్లాండ్ దేశాల్లో సంతాన సమస్యలు ఎదుర్కొంటున్న సుమారు ఐదు వేల మందికి పైగా మహిళలపై పరిశోధన నిర్వహించారు. వారి ఆహారపు అలవాట్లు, సంతాన సమస్యల గురించి తెలసుకున్నారు.ఈ అధ్యయనంలో అతిగా జంక్ ఫుడ్ తినే మహిళలకు గర్భం దాల్చే అవకాశాలు తగ్గుతున్నాయని తెలిసింది. జంక్ ఫుడ్ తక్కువగా.. పండ్లు ఎక్కువగా తినేవారిలోనే గర్భం దాల్చే అవకాశాలు ఎక్కువని తేలింది. ఫాస్ట్ ఫుడ్ తక్కువగా తింటూ పండ్లు ఎక్కువగా తినే మహిళల్లో సంతాన సామర్థ్యం ఎక్కువగా ఉండి, తక్కువ సమయంలోనే గర్భం దాల్చుతున్నారని తెలిసింది. పండ్లు తినకుండా ఫాస్ట్ ఫుడ్ ఎక్కువగా తినే మహిళలు ఆలస్యంగా గర్భం దాల్చుతున్నారని, కొందరిలో సంతాన అవకాశాలు సన్నిగిల్లుతున్నాయని పరిశోధకులు వివరించారు.అలాగే ఆకుకూరలు, పండ్లు, కూరగాయలు, చేపలు సంతాన సామర్థ్యాన్ని పెంచుతాయని పేర్కొన్నారు. పిజ్జా, బర్గర్లు, ఫ్రైడ్ చికెన్, ఫ్రైడ్ ఆలూ చిప్స్, డోనట్స్, ఫ్రెంచ్ ఫ్రైస్, చాట్ లాంటివి సంతాన సామర్థ్యం తగ్గిస్తాయని అధ్యయనం వెల్లడించింది. అదే విధంగా మద్యపానం, ధూమపానం, వయస్సు, శరీర తత్త్వాలు కూడా సంతాన సామర్థ్యంపై ప్రత్యక్షంగా ప్రభావం చూపుతున్నట్టు అధ్యయనంలో స్పష్టం అయింది.అయితే పెళ్లైన తర్వాత ప్రతీ ఒక్కరూ పిల్లల కోసం ఎదురుచూస్తుంటారు. అలాంటి వారు ఫాస్ట్ ఫుడ్, జంక్ ఫుడ్కు దూరంగా ఉంటూ మంచి ఆహారం తీసుకోవడం వల్ల ఫలితం ఉంటుంది. పాలు, పాల పదార్థాలు తీసుకోవడం వల్ల గర్భధారణ సమస్యలు కూడా దూరం అవుతాయి. ఈ ఆహార పదార్థాలు సంతానోత్పత్తిని పెంచడంలో బాగా పనిచేస్తాయి. ఫైబర్, బీ విటమిన్ అధికంగా ఉండే బీన్స్ కూడా సంతాన సమస్యలను దూరం చేస్తాయి. త్వరగా గర్భం పొందాలనుకునే వారు ఆహారంలో విటమిన్ సీ అధికంగా ఉండే వాటిని తీసుకోవాలి. వీటి వల్ల చక్కని ప్రయోజనాలు ఉంటాయని నిపుణులు చెబుతున్నారు.మహిళలు ఎదుర్కొనే సమస్యలు ఎలా ఉంటాయో చూశారుగా. ఇలాంటి సమస్యల గురించి ఎవరికీ తెలియదు. దీనిపై అవగాహన పెంచాల్సిన అవసరం ఉంది. ఈ విషయాన్ని అందరికీ తెలియజేయాలి. ఈ సమాచారాన్ని అందరికీ షేర్ చేయండి.
![]() |
![]() |
SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. Suryaa.com and Epaper Suryaa