జయ ప్రకాష్ రెడ్డి కుటుంబంలో మరో బ్యాడ్ న్యూస్
Andhra Pradesh Telugu | Suryaa Desk | Published : Tue, Sep 08, 2020, 08:34 PM
జయ ప్రకాష్ రెడ్డి లాంటి విలక్షణ నటుడు చనిపోయాడని తెలుగు సినిమా పరిశ్రమతో పాటు అంతా కన్నీరు పెడుతున్నారు. ఈయన కోసం ఏకంగా ప్రధాని మోదీ సైతం ట్వీట్ చేసారంటే ఆయన స్థాయేంటో అర్థమైపోతుంది. అలాంటి లెజెండరీ నటుడు అర్ధాంతరంగా కన్నుమూయడం ఎవరూ జీర్ణించుకోలేకపోతున్నారు. ఇలాంటి సమయంలో ఆయన కుటుంబంలో మరింత దయనీయ పరిస్థితులు వచ్చాయి. కన్నతండ్రిని కనీసం కడసారి చేసుకునే భాగ్యం కూడా ఆయన కొడుకుకు లేకుండా పోయింది.జయ ప్రకాష్ రెడ్డికి ఒక్కడే కొడుకు. ఆయన కొన్నేళ్ల పాటు అమెరికాలో ఉండి ఈ మధ్యే ఇండియాకు వచ్చాడు. ఇక్కడే స్థిరపడిపోయాడు. అయితే కొన్ని రోజుల కింద జయ ప్రకాష్ రెడ్డి కొడుకు, కోడలికి కరోనా పాజిటివ్ వచ్చింది. దాంతో వాళ్లు ఓ ప్రైవేట్ హాస్పిటల్‌లో చికిత్స తీసుకుంటున్నారు. ఈ సమయంలోనే గుంటూరులోని ఆయన స్వగృహంలో చనిపోయాడు జయ ప్రకాష్ రెడ్డి. దాంతో ఇప్పుడు కొడుకు లేకుండానే ఈయన అంత్యక్రియలు జరుగుతున్నాయి. ఇది తెలిసిన వాళ్లంతా అయ్యో పాపం.. ఇంతకంటే దారుణం మరోటి ఉంటుందా అంటూ కన్నీరు పెట్టుకుంటున్నారు.
|
|