మహిళలను వేధించే నడుము నొప్పి... ప్రెగ్నన్సీలో ఈ జాగ్రత్తలు తప్పనిసరి

మహిళల జీవితంలో గర్భం దాల్చడం చాలా ముఖ్యమైన విషయం. మహిళలకు అది పునర్జన్మలాంటిదే. ప్రెగెన్సీ కన్ఫమ్ అయిన దగ్గర నుంచి ప్రసవం అయ్యే వరకూ మహిళలకు ప్రతిరోజూ గండంగానే ఉంటుంది. తొమ్మిది నెలల్లో ఎన్నో ఆరోగ్య సమస్యలను ఫేస్ చేయాల్సి ఉంటుంది. అలాంటి వాటిల్లో బ్యాక్ పెయిన్ ఒకటి.గర్భవతుల్లో సాధారణంగా నడుము నొప్పి వస్తుంటుంది. దీనివల్ల రోజువారీ పనులు చేసుకోలేరు, మంచిగా నిద్రపోలేరు. అయితే చిన్న చిన్న జాగ్రత్తలు తీసుకుంటే ఈ బ్యాక్‌ పెయిన్‌ను మేనేజ్ చేసుకోవచ్చు. సాధారణంగా నెలలు నిండిన తర్వాత నడుము నొప్పి సమస్య తీవ్రంగా ఉంటుంది. లోపల బిడ్డ ఎదుగుదల వల్ల శరీరంపై అదనపు ప్రెజర్ పడుతుంది. దీంతో బ్యాక్ పెయిన్ ఎక్కువవుతుంది.

కారణాలు...శరీరంలోని హార్మోనల్ ఫ్యాక్టర్స్ బ్యాక్ పెయిన్‌కు కారణమవుతాయి. ప్రెగ్నన్సీ సమయంలో రిలాక్సిన్ అనే హార్మోన్ విడుదలవుతుంది. ఇది పెల్విక్ ఏరియాలో లిగమెంట్స్, జాయింట్స్ ను మృదువుగా చేస్తుంది. వెన్నులో లిగమెంట్స్ ను కూడా లూజ్ చేస్తుంది. దాంతో నొప్పి వస్తుంది. అలాగే బరువు పెరగడం, ఎదుగుతున్న పాపాయి బరువు వల్ల బ్లడ్ వెజిల్స్ పై, పెల్విస్ నరాలపై, నడుముపై ఒత్తిడి పెరుగుతుంది. అదేవిధంగా గర్భిణులు నడిచే, కదిలే తీరు వల్ల బ్యాక్ పెయిన్ వస్తుంది. యుటెరస్ విస్తరిస్తున్న కారణంగా రిబ్ కేజ్ నుంచి పబ్లిక్ బోన్ వరకు ఉండే కండరాలు సెపరేట్ అవుతాయి. ఇవి మరింత నొప్పిని కలిగిస్తాయి.

జాగ్రత్తలు...కొన్ని ముందు జాగ్రత్తలు తీసుకోవడం ద్వారా ప్రెగ్నన్సీలో బ్యాక్ పెయిన్ తీవ్రతను తగ్గించవచ్చు. గర్భంతో ఉన్నప్పుడు కదలికలపై దృష్టి పెట్టాలి. స్ట్రెయిట్‌గా నించోవాలి. పోశ్చర్ తగిన విధంగా ఉంటే బ్యాక్ పెయిన్‌ను అరికట్టవచ్చు. పాదాలపై ఒత్తిడి పడని చెప్పులు వేసుకోవాలి. అలాగే ఒక్కసారిగా కిందకు కూర్చుని ఒక్కసారిగా పైకి లేవడం వంటివి చేయకూడదు. సపోర్ట్‌ను అందించే మెటర్నిటీ బ్రాను ధరించాలి. అలాగే బెల్లీను హోల్డ్ చేయడానికి సహకరించే మెటర్నిటీ బెల్ట్‌ను ధరించాలి. దీంతో బ్యాక్ పై ఒత్తిడిని తగ్గించవచ్చు.

సౌకర్యమైన నిద్ర...సౌకర్యంగా నిద్రించడానికి ప్రయత్నించాలి. మెత్తగా ఉండే పరుపుపై నిద్రించాలి. కొన్నిసార్లు పరుపు వల్ల కూడా బ్యాక్ పెయిన్ సమస్య వస్తుంది. థర్డ్ ట్రైమెస్టర్‌లో పక్కకు తిరిగి పడుకోవడం మంచిది. దీని వల్ల బ్యాక్ పెయిన్‌తో పాటు స్టిల్ బర్త్ సమస్యను కూడా తగ్గించవచ్చు. అలాగే మంచం నుంచి కిందకు జాగ్రత్తగా దిగాలి. మంచం మీంచి దిగేటప్పుడు పక్కకు తిరిగి సిట్టింగ్ పొజిషన్‌లోకి వచ్చి మెల్లగా దిగాలి.

వ్యాయామం...ప్రెగ్నన్సీలో బ్యాక్ పెయిన్ నుంచి ఉపశమనం పొందాలంటే వ్యాయామం చేయాలి. వ్యాయామం చేయడం వల్ల కండరాలు బలోపేతమవుతాయి. దాంతో శరీరం ప్రెగ్నన్సీ సమయంలో తలెత్తే నొప్పులను తట్టుకోగలుగుతుంది. ప్రీనాటల్ మసాజ్ వల్ల కూడా ప్రెగ్నన్సీలో బ్యాక్ పెయిన్ నుంచి రిలీఫ్ లభిస్తుంది. రెగ్యులర్‌గా యోగా చేయడం వల్ల శారీరకంగా, మానసికంగా ఆరోగ్యంగా ఉంటారు. బ్యాక్ పెయిన్ సమస్యకు యోగా కూడా మంచి పరిష్కారం. అయితే సొంతంగా యోగాను ప్రయత్నించడం మంచిది కాదు. అదే విధంగా ఐస్‌తో కోల్డ్ కంప్రెస్‌లతో కూడా బ్యాక్ పెయిన్ తగ్గుతుంది. కొన్ని ఐస్ క్యూబ్స్ తీసుకుని టవల్లో చుట్టి ఐదు నుంచి పది నిమిషాలపాటు నడుముపై ఉంచితే పెయిన్ తగ్గే అవకాశం ఉంది. అలాగే ఒక టవల్‌ను వేడి నీళ్లల్లో ముంచి నీటి పిండేసి బ్యాక్ పై పది నిమిషాల పాటు ఉంచాలి. ఇలా రెండు నుంచి మూడు రోజుల పాటు చేస్తే నడుము నొప్పి నుంచి ఉపశమనం లభిస్తుంది.

మెడిటేషన్...మెడిటేషన్ వల్ల నడుము నొప్పి తట్టుకునే స్థాయి పెరుగుతుంది. బ్యాక్ పెయిన్ తో పాటు లేబర్ పెయిన్‌ను కూడా హ్యాండిల్ చేయగలుగుతారు. అయితే రెండు వారాలకు మించి బ్యాక్ పెయిన్ తీవ్రంగా ఉంటే వెంటనే వైద్యులను కలవాలి.

మహిళలు ఎదుర్కొనే సమస్యలు ఎలా ఉంటాయో చూశారుగా. ఇలాంటి సమస్యల గురించి ఎవరికీ తెలియదు. ప్రెగ్నన్సీ సమయంలో ఇలాంటివి కామన్‌గా అనిపిస్తాయి. దీనిపై అవగాహన పెంచాల్సిన అవసరం ఉంది. ఈ విషయాన్ని అందరికీ తెలియజేయాలి. ఈ సమాచారాన్ని అందరికీ షేర్ చేయండి.