భారీ నీటిపారుదల శాఖలో 628 ఇంజినీర్‌ పోస్టులు..
Andhra Pradesh Telugu | Suryaa Desk | Published : Mon, Sep 07, 2020, 06:34 PM
నీటిపారుదల శాఖలో 628 ఇంజినీర్‌ పోస్టుల భర్తీకి ప్రభుత్వం యోచిస్తోంది. నీటిపారుదల శాఖ పునర్‌వ్యవస్థీకరణలో భాగంగా క్షేత్రస్థాయి సిబ్బంది సంఖ్యను పెంచాలని ప్రభుత్వం భావిస్తోంది. దీనికోసం ఏఈ, జేఈల పరిధిలో మార్పులు తీసుకొస్తోంది. వారి పరిధిలో ఒక వర్క్‌ఇన్‌స్పెక్టర్‌, ఇద్దరి కంటే ఎక్కువ మంది లష్కర్లను ఒప్పంద పద్ధతిలో నియమించనున్నారు.కొత్త విధానంలో భాగంగా శాఖ పేరును జలవనరుల శాఖగా మార్పుచేయడంతోపాటు, ఇంజినీర్ల పోస్టులు మరో 628 పెంచాలనే నిర్ణయం తీసుకున్నట్టు తెలుస్తోంది. అలాగే.. ఎస్‌ఈలు, ఈఈలతోపాటు క్షేత్రస్థాయి ఇంజినీర్లందరూ సీఈ పర్యవేక్షణ కింద విధులు నిర్వర్తించేలా వ్యవస్థలో మార్పులు చేస్తున్నారు.రాష్ట్ర వ్యాప్తంగా 31 మంది సీఈలు ఉండాలని తొలుత అనుకున్నా.. ఆ సంఖ్యను 28కే పరిమితం చేయాలనే నిర్ణయానికొచ్చారు. మొత్తంగా ఇంజినీరింగ్‌ సంబంధ పోస్టులు మరో 628 పెంచాలని ఉన్నతాధికారులు ఉత్తర్వులు సిద్ధం చేశారు.కొత్తగా రిక్రూట్‌ చేయనున్న పోస్టులు..
ఈఎన్‌సీ - 3
సీఈ - 3
ఎస్‌ఈ - 10
ఈఈ - 28
డీఈఈ - 214
ఏఈఈ - 37
|
|