ఆ విటమిన్ లోపిస్తే కరోనా ముప్పు..తస్మాత్ జాగ్రత్త
Andhra Pradesh Telugu | Suryaa Desk | Published : Sat, Sep 05, 2020, 07:00 PM
ప్రపంచాన్ని కరోనా వైరస్ భయపెడుతోంది. కరోనా వైరస్ కి వ్యాక్సిన్ అందుబాటులో లేకపోవడంతో ముందస్తు జాగ్రత్తలే ముఖ్యమని వరల్డ్ హెల్త్ ఆర్గనైజేషన్ స్పష్టం చేస్తోంది. మాస్క్ ధరించడం, భౌతిక దూరం పాటించడం..ఇంట్లోనే ఉండటం ద్వారా కరోనా వ్యాప్తిని అరికట్టవచ్చని ఆరోగ్య సంస్థలతోపాటు వైద్య నిపుణులు స్పష్టం చేస్తున్నారు. మరోవైపు ప్రతీ ఒక్కరు రోగ నిరోధక శక్తిని పెంచుకోవాలని సూచిస్తోంది. అయితే విటమిన్-డి లోపించిన వారికి కరోనా ముప్పు 60శాతం అధికమని షికాగో యూనివర్సిటీ పరిశోధకులు చేసిన అధ్యయనం తేలింది. రోగనిరోధక శక్తి పెంపొందడంలో విటమిన్-డి పాత్ర కీలకమని తెలిపింది.ఇది శరీరంలో టీ సెల్స్‌, మాక్రోఫేజెస్‌ వృద్ధికి తోడ్పడుతుందని స్పష్టం చేశారు. దాదాపు 500 మందిపై జరిపిన ఈ అధ్యయనం జామా (జేఏఎంఏ) నెట్‌వర్క్‌ ఓపెన్‌లో ప్రచురితమైంది. ఈ అధ్యయనం ప్రకారం డీ విటమిన్ లోపించిన వారిలో 200 మందికి కరోనా పాజిటివ్‌ అని తేలినట్లు తెలిసిందన్నారు. డి విటమిన్ పుష్కలంగా ఉన్న వారిలో 12శాతం మందికే కరోనా సోకింది. ఈ రెండిటి మధ్య తేడా 60శాతం మొత్తంగా చూస్తే ఈ తేడా చాలా అధికమని అధ్యయనం వెల్లడించింది. డీ విటమిన్ లోపించిన వారిలో కరోనా తీవ్రత అధికంగా ఉంటుందని షికాగో యూనివర్శిటీ పరిశోధనల్లో తేలింది.
|
|