జనసైనికులకు ధన్యవాదాలు తెలిపిన జనసేన నాయకులు
Andhra Pradesh Telugu | Suryaa Desk | Published : Fri, Sep 04, 2020, 03:25 PM
ఎమ్మిగనూరు పట్టణంలోని ఇండోర్ స్టేడియంలో తాలుకా జనసేన నాయకులు, మెగా పవర్ స్టార్ ఫ్యాన్స్ సేవా సమితి అధ్యక్షులు బిసి నాగరాజు, కార్యదర్శులు జి. వినోద్ కుమార్ లు పత్రిక విలేకరులతో మాట్లాడుతూ... పట్టణ, గ్రామీణ ప్రాంత జనసైనికులు, మెగా పవర్ స్టార్ అభిమానులు గత నెల 22వ తారీఖున మెగాస్టార్ చిరంజీవి జన్మదిన సందర్భంగా అలాగే సెప్టెంబర్ 2వ తేదీన పవర్ స్టార్ పవన్ కళ్యాణ్ జన్మదిన వేడుకల సందర్భంగా చేపట్టిన వివిధ రకాల సామాజిక సేవా కార్యక్రమాలకు, అన్నదానం, రక్త దానం, నిత్యావసర సరుకుల పంపిణీ పెద్ద ఎత్తున చేసినందుకు వారికి ధన్యవాదాలు తెలిపారు. అలాగే ఈ కార్యక్రమాలకు ముఖ్య అతిథులుగా విచ్చేసిన ప్రముఖులకు అభినందనలు తెలుపుతూ ఇలాంటి కార్యక్రమాన్ని దిగ్విజయం చేసిన జన సైనికులకు, మెగాస్టార్, పవర్ స్టార్ పవన్ కళ్యాణ్ అభిమానులకు కృతజ్ఞతలు తెలియజేశారు. ఎటువంటి కార్యక్రమాలు అయినా కూడా మేము ఉంటామని భరోసా తెలిపిన సైనికులకు, అభిమానులకు ఎల్లప్పుడూ అందుబాటులో ఉంటానని ఆయన తెలియజేశారు. ఈ కార్యక్రమంలో కలగట్ల రాజు, పరమేష్, తదితరులు పాల్గొన్నారు.
|
|