ప్రెగ్నెన్సీ టైంలో డీహైడ్రేషన్‌ సమస్య

ఎక్కువ నీళ్లు తాగడమే పరిష్కారంప్రెగ్నెన్సీ టైంలో ఆడవాళ్లు మంచి ఆహారమే కాదు.. మంచి నీళ్లు ఎక్కువ తాగాలి. శరీరంలో తగినంత నీరు సరిపోకపోతే డీ హైడ్రేషన్ సమస్య తలెత్తుతుంది. శరీరంలోకి పంపుతున్న నీరు కంటే బయటకి వస్తున్న నీరు ఎక్కువగా ఉంటే డీహైడ్రేషన్ జరుగుతుంది. డీహైడ్రేట్ అయినప్పుడు చిన్నచిన్న పనులు కూడా చేయలేరు. అంతేకాదు గుండె సంబంధిత వ్యాధులు వచ్చే ప్రమాదం ఉంటుంది. నీళ్లు తాగడం విషయంలో గర్భవతులు ఏ మాత్రం నిర్లక్ష్యం చేయకూడదు. శరీరంలో తగినంత నీళ్లు లేకపోతే తల్లీ, బిడ్డా ఆరోగ్యం దెబ్బతింటుంది.

డీ హైడ్రేషన్ కారణాలు...

సాధారణంగా గర్భవతిలో బ్లడ్ వాల్యూం 50 శాతం ఎక్కువగా ఉంటుంది. ప్రెగ్నెన్సీ మొదటి వారాల్లో డీ హైడ్రేషన్ రావడానికి ఇది ముఖ్యమైన కారణం. అలాగే సుమారు 50 శాతం మంది గర్భవతులు మార్నింగ్ సిక్నెస్‌తో బాధ పడతారు. దీనివల్ల వికారం, వాంతులు, ఎక్కువగా యూరిన్ పాస్ చేయాల్సి రావడం, చెమట ఎక్కువగా పట్టడం జరుగుతుంది. అలాగే ప్రతి రోజూ అందరూ కనీసం ఎనిమిది గ్లాసుల నీరు తాగాలి. కానీ గర్భవతులకు అది సరిపోదు. గర్భవతి కనీసం 12 గ్లాసుల నీరు తాగాలి. అంత కంటే తక్కువైతే అది డీహైడ్రేషన్‌కి దారి తీస్తుంది. గర్భవతిగా ఉన్నప్పుడు ఎక్కువగా చెమట పడుతుంది. అయితే దానికి సరిపడినంత నీరు శరీరంలో లేకపోతే డీ హైడ్రేషన్‌కు దారితీస్తోంది. అలాగే ఎండ, ఉక్క ఎక్కువగా ఉన్న వాతావరణంలో శరీరంలో నుంచి నీరు ఎక్కువగా బయటకు పోతుంది. నీరు ఎక్కువ తాగడమే దీనికి పరిష్కారం. అలాగే 35 ఏళ్ల తర్వాత గర్భం దాల్చితే వచ్చే కాంప్లికేషన్స్‌లో డీ హైడ్రేషన్ సమస్య కూడా ఒకటి. ఎందుకంటే ఆ వయసులో శరీరం వాటర్‌ని రిటెయిన్ చేసుకోలేదు. ఈ వయస్సులో ప్రెగ్నెంట్ అయిన వారు ఇంకా ఎక్కువ నీరు తీసుకోవాలి.

లక్షణాలు...

శరీరంలో నీరు చాలినంత లేకపోతే ముందుగా కనిపించే ప్రధాన లక్షణం దాహం వేయడం. మైల్డ్ డీ హైడ్రరేషన్ అయితే కొద్దిగా దాహంగా అనిపించడం, కొద్దిగా ఆందోళన, గుండె కొట్టుకునే వేగం పెరగడం, మూత్ర విసర్జన తరచుగా కాకపోవడం వంటివి జరుగుతాయి. మోడరేట్ డీహైడ్రేషన్ అయితే బాగా దాహంగా అనిపిస్తుంది. అలసట, యూరిన్ యూరిన్ డార్క్ యెల్లో కలర్‌లో ఉండడం, కళ్లు తిరగడం, తల నొప్పి, వికారం, నోరు ఎండినట్టు ఉండడం జరుగుతుంది. అదే సివియర్ సివియర్ డీహైడ్రేషన్ అయితే నోరు బాగా ఎండిపోతుంది, పెదిమలు పగిలిపోతాయి, యూరిన్ చాలా తక్కువ రావడం, అది కూడా డార్క్ యెల్లో కలర్‌లో ఉంటుంది. విపరీతమైన తలనొప్పి, కన్‌ఫ్యూజన్, కళ్లు లోపలికి వెళ్లిపోవడం, లో బీపీ సంభవిస్తాయి. శరీరంలో విపరీతంగా ఈ లక్షణాలుంటే వెంటనే డాక్టర్‌ని సంప్రదించాలి.

ఎంత నీరు అవసరం..యూరిన్ లేత పసుపు రంగులో ఉన్నంత వరకూ నీరు సరిపోతున్నట్టే లెక్క. ఎప్పుడైనా యూరిన్ డార్క్ యెల్లో కలర్, లేదా ఆరెంజ్ కలర్‌లోకి మారితే నీరు ఎక్కువగా తీసుకోవడం మొదలు పెట్టాలి. ఫిజికల్ యాక్టివిటీ లైట్‌గా ఉన్న వారు గంటకి ఒక కప్పు నీరు తీసుకోవడం మంచిది. అదే రెగ్యులర్‌గా వ్యాయామం చేస్తున్నప్పుడు ఇంకా ఎక్కువ నీరు తాగుతూ ఉండాలి.

నీరు ఎలా తాగాలి...

నీళ్లు తాగడమే కాదు.. తాగే విధానం కూడా చాలా ముఖ్యం. అది ప్రెగ్నెన్సీ టైంలో చాలినంత నీరు నెమ్మదిగా తాగాలి. ఒకే సారి ఎక్కువ నీరు వేగంగా తాగితే కిడ్నీలపై ఒత్తిడి పడుతుంది. మెలకువగా ఉన్నంత సేపూ గంటకి ఒక కప్పు నీరు తీసుకోవాలి. పంచదార లేకుండా సూప్స్, జ్యూస్‌లు తీసుకోవడం కూడా మంచిది.

ఒక వేళ డీ హైడ్రేషన్ లక్షణాలు కనిపించగానే ఓఆర్‌ఎస్ ద్రావణం తీసుకోవాలి.మహిళలు ఎదుర్కొనే సమస్యలు ఎలా ఉంటాయో చూశారుగా. ఇలాంటి సమస్యల గురించి ఎవరికీ తెలియదు. జనరల్ సమస్య అనుకుని వదిలేస్తారు. దీనిపై అవగాహన పెంచాల్సిన అవసరం ఉంది. ఈ విషయాన్ని అందరికీ తెలియజేయాలి. ఈ సమాచారాన్ని అందరికీ షేర్ చేయండి.