భవన నిర్మాణ కార్మికులను ఆదుకోవాలి: సీఐటీయూ
Andhra Pradesh Telugu | Suryaa Desk | Published : Mon, Aug 31, 2020, 07:54 PM
భవన నిర్మాణ కార్మికులకు ఆదుకోవాలని స్థానిక సీఐటీయూ కార్యాలయంలో సమావేశం నిర్వహించారు. ఈ సమావేశాన్ని ఉద్దేశించి సిఐటియు డివిజన్ కార్యదర్శి ఎన్.అంబేద్కర్ మాట్లాడుతూ.. ప్రస్తుత రాష్ట్ర ప్రభుత్వం అధికారంలోకి వచ్చిన తర్వాత ఇసుక ధరలు అమాంతం పెంచడంతో, భవన నిర్మాణ కార్మికులకు పనిలేకుండా పోయిందన్నారు. దానికి తోడు కరోనా వైరస్ విజృంభించడంతో తినడానికి తిండి లేక చేయడానికి పని లేక తీవ్ర ఇబ్బందులు ఎదుర్కొంటున్నారన్నారు. కావున అత్యధికులు పనిచేస్తున్న భవన నిర్మాణ కార్మికుల పట్ల నిర్లక్ష్యం వహించడం తగదన్నారు. వచ్చే ఆరు నెలల పాటు ప్రతి కుటుంబానికి 7500 రూపాయలు ఇవ్వాలన్నారు.అన్ని రకాల కార్మికులకు నగదు జమ చేస్తున్నాయే తప్ప, భవన నిర్మాణ కార్మికుల ను విస్మరించడం తగదన్నారు. ఇప్పటికైనా భవన నిర్మాణ కార్మికుల ఆదుకోవాలని వారు తెలిపారు. లేనిపక్షంలో పెద్ద ఎత్తున ఆందోళనలు నిర్వహిస్తామని వారు ప్రభుత్వాన్ని హెచ్చరించారు. ఈ కార్యక్రమంలో సిఐటియు నాయకులు రాముడు,మాణిక్యం బావ నిర్మాణ కార్మికులు గుంటెప్ప, అంజిని,రసూల్ తదితరులు పాల్గొన్నారు.
|
|