వికారంగా ఉందా.. తేలిగ్గా తీసుకోకండి

వికారంగా ఉందా..? వికారంతో ఏ పని చేయలేకపోతున్నారు..? చాలామంది మహిళల్లో ఎక్కువగా కనిపించే సమస్య వికారం. ఇలా ఎందుకు అవుతుందో తెలియక చాలామంది ఆడవాళ్లు.. వాటిని భరిస్తూ ఉంటారు. కొంతమంది ఆందోళనకు గురవుతుంటారు. వికారం ఎప్పుడైనా ఎక్కడైనా కలగొచ్చు. ఆ సమయంలో ఏమి తినబుద్ది కాదు. ఎవరితోనూ మాట్లాడబుద్ధి కాదు. దీనికి చాలా రకాలైన కారణాలున్నాయి. అవేంటో తెలుసుకుంటే వికారం సమస్య నుంచి బయటపడొచ్చు.తీవ్ర భయాందోళనకు గురైనప్పుడు వికారం కలుగుతుంది. ఆ సమయంలో శరీరంలోని రక్త ప్రవాహంలో మార్పు వస్తుంది. జీర్ణక్రియ వంటి శారీరక విధులు నిలిచిపోతాయి. ఇది శరీరంలో కొన్ని టాక్సిన్స్ పేరుకుపోవడానికి దారితీస్తుంది. దీంతో వికారం కలుగుతుంది. శరీరంలో తగినంత ఇన్సులిన్ ఉత్పత్తి కానప్పుడు శరీరానికి సరిపడనంత చక్కెర లభించదు. దీంతో శక్తి కోసం కొవ్వును బర్న్ అవ్వడం మొదలవుతుంది. దీనివల్ల కీటోన్స్ అనే అధిక రసాయనాలు మూత్రం, రక్తంలో ఏర్పడతాయి. దీంతో వికారంగా ఉంటుంది. డయాబెటిస్ ఉందని గుర్తించని వాళ్లలో ఈ సమస్య ఎక్కువగా ఉంటుంది.హార్ట్ ప్రాబ్లమ్స్ ఉన్నప్పుడు వికారం సమస్య వేధిస్తుంది. సాధారణంగా పురుషుల్లో కంటే మహిళల్లో గుండె జబ్బుకు సంబంధించి సంకేతాలు విలక్షణంగా ఉంటాయి. ఛాతీలో నొప్పి లేకపోయినా గుండె నొప్పి వచ్చే అవకాశం ఉంటుంది. దానికి మహిళల్లో ప్రధాన సంకేతం వికారం. వికారం కలుగుతున్నప్పుడు మహిళలు జాగ్రత్త పడాల్సిన అవసరం ఉంది. గ్యాస్ట్రిక్ సమస్య వల్ల కూడా వికారం కలుగుతుంది. ఛాతీలో నొప్పి, కడుపులో రసాయనాలు విడుదల కావడంతో కొంతమందికి వికారం వస్తుంది. తిన్న తిండి సరిగ్గా జీర్ణం కానప్పుడు వికారం సమస్య తలెత్తుంది. అలాంటి సమయంలో వాంతులు అయ్యే అవకాశం కూడా ఉంది. కిడ్నీల్లో సమస్య ఉన్నవాళ్లు తరచుగా వికారం సమస్య తలెత్తే అవకాశం ఉంది.వివిధ రకాల వ్యాధుల నియంత్రణకు తీసుకునే మందులు వల్ల వికారం కలిగే ఛాన్స్ ఉంది. కొన్ని రకాల మందుల వల్ల జీర్ణక్రియ మందగించి రక్తంలో చక్కెరను నియంత్రణ జరుగుతుంది. దీంతో వికారం కలుగుతుంది. అలాగే యాంటీబయాటిక్స్ కూడా వికారం కలుగుతుంది.వికారం కలిగే సమయంలో కొన్ని రకాలైన ఆహార పదార్థాలకు దూరంగా ఉండడం మంచిది. ముఖ్యం చక్కెర, పాలు, చాక్లెట్, కొవ్వు పదార్థాలకు దూరంగా ఉండాలి. అలాగే స్పైసీ ఫుడ్‌కు దూరంగా ఉండడం మంచిది.మహిళలు ఎదుర్కొనే సమస్యలు ఎలా ఉంటాయో చూశారుగా. ఇలాంటి సమస్యల గురించి ఎవరికీ తెలియదు. జనరల్ సమస్య అనుకుని వదిలేస్తారు. దీనిపై అవగాహన పెంచాల్సిన అవసరం ఉంది. ఈ విషయాన్ని అందరికీ తెలియజేయాలి. ఈ సమాచారాన్ని అందరికీ షేర్ చేయండి.