ప్రేమించి పెళ్లి చేసుకున్న ఇద్దరమ్మాయిలు
Andhra Pradesh Telugu | Suryaa Desk | Published : Sun, Aug 30, 2020, 12:04 PM
అమ్మాయి,అబ్బాయి ప్రేమించుకొని పెళ్లి చేసుకోవడం చూశాం. కానీ ఇద్దరు అమ్మాయిలు ప్రేమించుకొని పెళ్లి చేసుకోవడం చూశాామా. కానీ ఇద్దరు అమ్మయిలు ప్రేమించుకొని పెళ్లి చేసుకున్నారు. ఈ వింత ఘటనకు సంబంధించిన వివరాలిలా ఉన్నాయి.యూపీలోని కాన్పూరుకు చెందిన ఏక్తా, అయోధ్యకు చెందిన వర్ష అనే యువతులిద్దరు బంధువులు. వీరు ఒకరింటికి ఒకరు వచ్చి వెళుతుండేవారు. అలా వీరి మధ్య ఏర్పడిన పరిచయంతో ఒకరినొకరు ప్రేమించుకున్నారు. వీరు హద్దులు దాటుతున్నారని గమనించిన పెద్దలు మందలించారు. ఐనా వీరిలో మార్పు రాలేదు. మేం ప్రేమించుకుంటున్నామని పెళ్లి చేసుకుంటామని తెలిపారు. దీంతో అంతా షాకయ్యారు.పెద్దలు ఒప్పుకోకపోవడంతో తమని కలవనీయరని భావించారు. ఆగష్టు 26న కాన్పూర్ లోని తపస్వీ మందిర్ లో ఎవరికి తెలియకుండా వివాహం చేసుకున్నారు. విషయం తెలుసుకున్న పెద్దలు వీరి పై పోలీసులకు ఫిర్యాదు చేశారు. పోలీసులతో కూడా తాము కలిసే ఉంటామని చెప్పారు. షాకైన పోలీసులు వారు మేజర్లని తాము ఏం చేయలేమని చెప్పడంతో పెద్దలు డైలమాలో పడ్డారు. ప్రస్తుతం ఈ ఘటన సంచలనంగా మారింది.
|
|