టాటా గ్రూప్ సూపర్ యాప్: అమెజాన్, ఫ్లిప్ కార్డ్, పేటీఎంలకు దెబ్బే

స్మార్ట్ ఫోన్ ఉంటే చాలు ఇంట్లోనే ఉండి అన్ని అవసరాలు పొందవచ్చు. ఏమి కావాలో వాటిని ఆర్డర్ ఇస్తే చాలు నేరుగా ఇంటికే చేరుతుంది. అలాంటి సర్వీసులను అందించడంలో రిలయన్స్ జియో, అమెజాన్, ఫ్లిప్‌కార్ట్, పేటీఎం వంటి ఈకామర్స్ సంస్థలు కూడా ఒకే యాప్ ద్వారా కస్టమర్లకు ఎన్నో రకాల సర్వీసులు ఆఫర్ చేస్తున్నాయి. ఈ యాప్ ల ద్వారా అనేక సర్వీసులు పొందవచ్చు. అంతేకాదు అనేక ఆఫర్లతో ఈ యాప్ లు కస్టమర్లను ఆకర్షిస్తున్నాయి. లాక్ డౌన్ కారణంగా ఈ కామర్స్ సంస్థల సేవలు మరింత పెరిగాయి. వీటితోపాటు మరో సరికొత్త ఈకామర్స్ యాప్ ను లాంచ్ చేసేందుకు ప్రముఖ గ్రూప్ రెడీ అవుతుంది.జియో, అమెజాన్, ఫ్లిప్‌కార్ట్, పేటీఎం వంటి సంస్థలకు ఝలక్ ఇచ్చేందుకు టాటా గ్రూప్ రెడీ అవుతోంది. టాటా గ్రూప్ కూడా తన సర్వీసులు అన్నింటినీ ఒకే చోటు కస్టమర్లకు అందించాలని యోచిస్తోంది. అందుకే ఒక సరికొత్త ఈ కామర్స్ యాప్‌ను లాంచ్ చేయడానికి రెడీ అయ్యింది. త్వరలోనే కొత్త సూపర్ యాప్ ను ఆవిష్కరించబోతున్నట్లు ఇప్పటికే టాటా సన్స్ చైర్మన్ ఎన్.చంద్రశేఖరన్ ఒక ప్రకటన సైతం చేశారు. కస్టమర్లకు సులభంగా ఉండేలా పలు రకాల సర్వీసులు వీటి ద్వారా అందిస్తామని స్పష్టం చేసిన సంగతి తెలిసిందే.ఎయిర్‌లైన్స్, రిటైల్ స్టోర్స్, హాస్పిటాలిటీ, వాచ్, జువెలరీ ఇలా పలు రకాల విభాగాల్లో టాటా గ్రూప్ సేవలు అందిస్తోంది. కస్టమర్లకు సులభంగా ఉండేలా పలు రకాల సర్వీసులు వీటి ద్వారా అందిస్తామన పేర్కొన్నారు. ఎయిర్‌లైన్స్, రిటైల్ స్టోర్స్, హాస్పిటాలిటీ, వాచ్, జువెలరీ ఇలా పలు రకాల విభాగాల్లో టాటా గ్రూప్ సేవలు అందిస్తోంది. టాటా గ్రూప్.. టాటా క్లిక్, స్టార్ బక్స్, వెస్ట్‌సైడ్, విస్తారా, క్రోమా, స్టార్ బజార్ ఇలా ఎన్నో రకాల బ్రాండ్లను కలిగి ఉంది. విశ్వసనీయ వర్గాల సమాచారం ప్రకారం చూస్తే టాటా గ్రూప్ టాటా డిజిటల్ పేరుతో కొత్త సంస్థను ఏర్పాటు చేయనుందని తెలుస్తోంది. టాటా గ్రూప్ దీని ద్వారా పలు రకాల సేవలను కస్టమర్లకు అందించి మరింత చేరువ కానున్నట్లు తెలుస్తోంది.