పారిశ్రామికవేత్తలుగా ఎదగాలనుకునే మహిళలకు అద్భుతమైన అవకాశం...

మంచి బిజినెస్ ప్లాన్ మీ దగ్గరుంటే.. పెట్టుబడి అందించేందుకు మేము ఉన్నామంటూ ప్రభుత్వం మహిళలకు పిలుపునిస్తుంది. మహిళలు సొంతంగా బిజినెస్ పెట్టి ప్రగతి పథంలో నడవడానికి ఆర్థికంగా చేయూతను అందిస్తోంది. ఒకటి కాదు రెండు కాదు 20 కోట్ల వరకూ రుణం ఇచ్చే విధంగా అనేక పథకాలను ప్రవేశపెట్టింది. అలాంటిదే భారతీయ మహిళా బ్యాంక్ బిజినెస్ లోన్ స్కీమ్.ఈ స్కీమ్ కింద మహిళా పారిశ్రామికవేత్తలుగా ఎదగాలనుకునే వారికి రూ.20 కోట్ల వరకూ లోన్ అందిస్తారు. వ్యాపార విస్తరణ కోసం, మ్యానిఫ్యాక్చరింగ్ ఇండస్ట్రీలు పెట్టుకోవడానికి ఈ రుణం అందిస్తారు. మైక్రో అండ్ స్మాల్ ఎంటర్ ప్రైజెస్ కోసం క్రెడిట్ గ్యారంటీ ఫండ్ ట్రస్ట్ కవర్ కింద ఎటువంటి హామీ లేకుండా కోటి రూపాయల రుణం అందిస్తారు. మహిళా పారిశ్రామికవేత్తలకు వడ్డీ రేటులో 0.25 శాతం రాయితీ కూడా ఉంటుంది. తీసుకున్న రుణాన్ని తిరిగి ఏడేళ్లలో చెల్లించాల్సి ఉంటుంది.ఈ పథకాన్ని మొదట భారతీయ మహిళా బ్యాంక్ అమలు చేసేది. అయితే ఈ బ్యాంక్ 2017లో స్టేట్ బ్యాంక్ ఆఫ్ ఇండియాలో విలీనం అయింది. మీకు దగ్గర్లోని బ్యాంకు బ్రాంచ్‌లో సంప్రదించి ఈ లోన్‌‌కు అప్లై చేసుకోవచ్చు. ఈ పథకం కింద లోన్‌ కోసం తప్పనిసరిగా పేరు, అడ్రస్, ఈ మెయిల్, పాన్ కార్డ్ వివరాలు, ఇంతకు ముందు తీసుకున్న రుణాల వివరాలు తప్పనిసరిగా తెలియజేయాలి.మహిళలు ఆర్థికంగా అభివృద్ధి సాధిస్తే.. దేశం కూడా ప్రగతి పథంలో నడుస్తుంది. తద్వారా మహిళల విషయంలో సమాజంలో ఉన్న చిన్నచూపు తొలగిపోతుంది.అందుకే ప్రభుత్వాలు మహిళలకు ఆర్థిక భరోసా ఇచ్చేందుకు ప్రయత్నిస్తున్నాయి. ఏదో ఒక వ్యాపారం చేసి డబ్బులు సంపాదించుకోవాలనుకునే మహిళలకు బ్యాంకుల ద్వారా రుణాలు అందించే స్కీమ్‌లను ప్రవేశపెడుతున్నారు. ఆ డబ్బుతో మహిళలు వ్యాపారం చేసి ఆర్థికంగా స్థిరపడొచ్చు.ప్రతిభ, తెలివి ఉన్నా.. ప్రోత్సాహం లేక ఆగిపోయే మహిళలకు ఇలాంటి పథకాలు చాలా యూజ్ అవుతాయి. అలాంటి మహిళలకు ఇలాంటి పథకాలు ఉన్నట్టు ఇంకా తెలియదు. ఈ విషయం షేర్ చేయడం వల్ల అలాంటి వాళ్లకు ఉపయోగపడుతుంది.