ప్రముఖ నటి భర్తకు గుండెపోటు
Andhra Pradesh Telugu | Suryaa Desk | Published : Thu, Aug 27, 2020, 08:10 PM
ప్రముఖ నటి వనితా విజయకుమార్‌ భర్త గుండెపోటుకు గురయ్యారు. దాంతో ఆయనను చెన్నైలోని ఒక ప్రైవేటు హాస్పిటల్‌లో చేర్పించారు. ప్రస్తుతం ఆయన ఆస్పత్రిలో చికిత్స పొందుతున్నారు. ఇకపోతే నటి వనితా విజయకుమార్‌ ఇటీవలే పీటర్‌పాల్‌ అనే వ్యక్తిని మూడవ వివాహం చేసుకున్న సంగతి తెలిసిందే. వీరి వివాహం సినీ వర్గాల్లో పెద్ద చర్చకే దారి తీసింది. అంతే కాకుండా నటి కస్తూరి, దర్శకురాలు లక్ష్మీ రామకృష్ణన్, నిర్మాత రవీంద్రన్‌ వంటివారు నటి వనితా విజయకుమార్‌ మూడవ పెళ్లి చేసుకోవడంపై తీవ్ర విమర్శలు చేయడం ఆ గొడవ కాస్త పోలీసు స్టేషన్ మెట్టు ఎక్కేంత వరకు వెళ్లింది.పరువు నష్టం దావా వేస్తానని హెచ్చరించే వరకు వెళ్లడంతో వారి వివాహం సినీ రంగంలో పెద్ద హాట్ టాపిక్ గా మారింది. ఆ గొడవలకు ఫుల్ స్టాప్ పెట్టి ప్రస్తుతం ప్రశాంతంగా జీవిస్తున్నారు. అయితే మంగళవారం సాయంత్రం వనిత విజయకుమార్‌ భర్త పీటర్‌ పాల్‌ ఒక్కసారిగా గుండెపోటుకు గురయ్యారు. ప్రస్తుతం ఈ ఘటన విషాదంగా మారింది.
|
|