సమస్యలను పరిష్కరించండి
Andhra Pradesh Telugu | Suryaa Desk | Published : Thu, Aug 27, 2020, 07:57 PM
కర్నూలు జిల్లా డోన్ పట్టణం నందు ఈరోజు ఏపీజీయస్ ప్రధాన కార్యదర్శి మోట రాముడు ఆధ్వర్యంలో కూరగాయల మార్కెట్ అసోసియేషన్ వారు పట్టణ ఎస్.ఐ కు వినతి పత్రం అందించడం జరిగింది.ఈ కార్యక్రమంలో ఆంధ్రప్రదేశ్ గిరిజన సమాఖ్య జిల్లా ప్రధాన కార్యదర్శి మోట రాముడు మాట్లాడుతూ గత కొన్ని రోజులుగా కరోనా వైరస్ వలన కూరగాయలు అమ్ముకునే వారిని పాత బస్టాండ్ లో ఉన్న కూరగాయల మార్కెట్ నుంచి యస్ కే పి హై స్కూల్ మరియు బీసీ హాస్టల్ కు మార్చడం జరిగింది. కావున ఒకటో తేదీ నుండి పాఠశాలలు అన్నియు తెరుచుకో బోతున్న సందర్భంగా ఎస్ కే పి హైస్కూల్ మరియు బీసీ హాస్టల్ నందు ఉన్న తాత్కాలిక కూరగాయల అంగళ్ళు పోలీసు క్వార్టర్స్ ఎదురుగా ఉన్న ఖాళీ స్థలంలో మార్చుకోవాలని అధికారులు తెలియజేశారు.కానీ అక్కడ ఎటువంటి ఆశ్రయం లేనందువలన వానలు వచ్చినప్పుడు కూరగాయలు తడిచి నష్టం వాటిల్లే ప్రమాదం ఉంది, భద్ర పరచుటకు సరైన వసతులు లేవు. కావున అక్కడ వ్యాపారం కు అనువైన ప్రాంతం కాకపోవడం వలన, పాత బస్టాండ్ దగ్గరలో ఉన్న కూరగాయల మార్కెట్ నందు మాకు కూరగాయల అమ్ము కొనుట కొరకు కూరగాయల వ్యాపారస్తులకు అనుమతి కల్పించాలని మాట్లాడడం జరిగింది. ఈ కార్యక్రమంలో కరేపాకు శ్రీరాములు, మద్దిలేటి, నర్సప్ప, మౌలాలి మరియు కూరగాయల మార్కెట్ అసోసియేషన్ వారు పాల్గొనడం జరిగింది.
|
|