ట్రెండింగ్
త్వరలో గుండ్రేవుల ప్రాజెక్ట్ నిర్మాణం
Andhra Pradesh Telugu | Suryaa Desk | Published : Thu, Aug 27, 2020, 05:47 PM
కర్నూలు జిల్లా కోడుమూరు నియోజకవర్గం పరిధిలోని సి.బెలగల్ మండలం గుండ్రేవుల గ్రామంలో ఎమ్మెల్యే డాక్టర్ జరదొడ్డి సుధాకర్ గురువారం పర్యటించారు. మండలంలోని కృష్ణదొడ్డి, పొలకల్ గ్రామాలలోని ఎత్తిపోతల పథకాల నుంచి ఇరిగేషన్ అధికారులు, స్థానిక వైసీపీ నాయకులు, రైతులతో కలిసి సాగు నీటిని విడుదల చేయడం జరిగింది.ఈ సందర్భంగా ఎమ్మెల్యే మాట్లాడుతూ సి.బెలగల్ చెరువుకు అతి త్వరలోనే స్పెషల్ లిఫ్ట్ ఇరిగేషన్ ప్రాజెక్టు మంజూరు అలాగే రాబోయే 2,3 సంవత్సరాలలో రాయలసీమకు జీవాధారమైన గుండ్రేవుల ప్రాజెక్ట్ ప్రారంభించడం జరుగుతుందని ఎమ్మెల్యే తెలియజేశారు. ఈ కార్యక్రమంలో మండల అధికారులు,వైకాపా నాయకులు, కార్యకర్తలు, రైతులు భారీ సంఖ్యలో పాల్గొన్నారు.
|
|