నేడే ఇన్ ఫీనిక్స్ హాట్ 9 ప్రో సేల్..
Andhra Pradesh Telugu | Suryaa Desk | Published : Wed, Aug 26, 2020, 01:51 PM
ఇన్ ఫీనిక్స్ హాట్ 9 ప్రో స్మార్ట్ ఫోన్ సేల్ ఈరోజు(ఆగస్టు 26వ తేదీ) జరగనుంది. మధ్యాహ్నం 12 గంటలకు ఫ్లిప్ కార్ట్ లో ఈ సేల్ ప్రారంభం కానుంది. ఇందులో ఒక్క వేరియంట్ మాత్రమే అందుబాటులో ఉంది. 4 జీబీ ర్యామ్ + 64 జీబీ స్టోరేజ్ తో లాంచ్ అయిన ఈ వేరియంట్ ధరను రూ.9,499గా నిర్ణయించారు. ఓషన్ బ్లూ, వయొలెట్ రంగుల్లో ఈ ఫోన్ లాంచ్ అయింది.ఇందులో 6.6 అంగుళాల హెచ్ డీ+ హోల్ పంచ్ ఎల్సీడీ ఐపీఎస్ డిస్ ప్లేను అందించారు. దీని యాస్పెక్ట్ రేషియో 20:9గా ఉంది. స్క్రీన్ టు బాడీ రేషియో 90.5 శాతంగా ఉంది. మీడియాటెక్ హీలియో పీ22 ప్రాసెసర్ పై ఈ ఫోన్ పనిచేయనుంది. 4 జీబీ ర్యామ్, 64 జీబీ స్టోరేజ్ అందుబాటులో ఉంది. మైక్రో ఎస్ డీ కార్డు ద్వారా దీన్ని 256 జీబీ వరకు పెంచుకోవచ్చు.ఇక కెమెరాల విషయానికి వస్తే ఇందులో వెనకవైపు నాలుగు కెమెరాలను అందించారు. ఇన్ ఫీనిక్స్ హాట్ 9 ప్రోలో ప్రధాన కెమెరా సామర్థ్యం 48 మెగా పిక్సెల్ కాగా, 2 మెగా పిక్సెల్ డెప్త్ కెమెరా, 2 మెగా పిక్సెల్ మాక్రో లెన్స్, లో లైట్ సెన్సార్లను ఇందులో అందించారు. ముందువైపు 8 మెగా పిక్సెల్ సెల్ఫీ కెమెరాను అందించారు. ఇందులో 5000 ఎంఏహెచ్ బ్యాటరీని అందించారు.ఇందులో వెనకవైపు ఫింగర్ ప్రింట్ సెన్సార్ ను అందించారు. ఫేస్ అన్ లాక్ ఫీచర్ కూడా ఇందులో ఉంది. బ్లూటూత్ 5, 3.5 ఎంఎం ఆడియో జాక్, యూఎస్ బీ ఓటీజీ, వోవైఫై, మైక్రో యూఎస్ బీ పోర్టు వంటి కనెక్టివిటీ ఫీచర్లను ఇందులో అందించారు. జీ-సెన్సార్, ఈ-కంపాస్, గైరోస్కోప్, ప్రాక్సిమిటీ సెన్సార్, యాంబియెంట్ లైట్ సెన్సార్ లు ఇందులో ఉన్నాయి.
|
|