ప్రైవేట్ టీచర్లకు, నిరుద్యోగులకు నిరుద్యోగ భృతి ఇవ్వాలి
Andhra Pradesh Telugu | Suryaa Desk | Published : Wed, Aug 26, 2020, 01:33 PM
కర్నూలు జిల్లా ఆలూరు నియోజకవర్గ పరిధిలోని దేవనకొండ మండలంలో ఏఐవైఎఫ్ జిల్లా నాయకులు కుమ్మరి సురేష్ కుమార్, కటిక భాస్కర్ లు ప్రైవేట్ టీచర్లకు, నిరుద్యోగులకు నిరుద్యోగ భృతి ఇవ్వాలని మండల తహసీల్దార్ కార్యాలయంలో సీనియర్ అసిస్టెంట్ నబి రసూల్ కి వినతిపత్రం ఇచ్చారు. అనంతరం వారు మాట్లాడుతూ కరోనా వ్యాధి వ్యాపించడంతో రాష్ట్రంలోని నిరుద్యోగులు, ప్రైవేట్ విద్యా సంస్థల్లో పని చేస్తున్నా సిబ్బందికి జీతాలు ఇవ్వకపోవడంతో అవస్థలు పడుతున్నారన్నారు. వారికి మార్చి నెల నుంచి సెప్టెంబర్ నెల దాకా నిరుద్యోగ భృతిని చెల్లించాలని కోరారు. కరోనా వ్యాధి ఆరోగ్య శ్రీ లో చేర్చిన కార్పొరేట్, ప్రైవేట్ ఆసుపత్రులు డబ్బు చెల్లిస్తేనే ఆస్పత్రుల్లో చేర్చుకుంటామని అనడం చాలా దుర్మార్గమన్నారు.ప్రైవేట్ హాస్పిటల్ లో మనుషులను జబ్బు పేరుతో డబ్బు గుంజుతున్నారు. అలాంటి ప్రైవేట్ హాస్పిటల్ లో పైన చర్యలు తీసుకోవాలని వారు కోరారు. అలాగే కరోనా వారియర్స్ గా ఉన్న మీడియాను గుర్తించి కరోనాతో మరణించిన పాత్రికేయులకు 50 లక్షల రూపాయల ఎక్స్ గ్రేషియా చెల్లించాలని వారు డిమాండ్ చేశారు. అలాగే నిరుద్యోగులు అందరికీ పదివేల రూపాయలు కరోనా ఆర్థిక సహాయం అందించాలని అదే విధంగా రాష్ట్ర వ్యాప్తంగా ఖాళీగా ఉన్న డాక్టర్లు, నర్సులు, ల్యాబ్ టెక్నీషియన్ పోస్టులను తక్షణమే భర్తీ చేసి ప్రజల ఆరోగ్యం కాపాడాలని డిమాండ్ చేశారు. ఈ కార్యక్రమంలో సీపీఐ మండల సహాయ కార్యదర్శి ఎం వెంకటేశ్వర్లు, మండల నాయకులు రషీద్, శ్రీనివాసులు, కృష్ణ, రవి, రంగన్న తదితరులు పాల్గొన్నారు.
|
|