కొత్తపేటలో గణనాథునికి పూజలో పాల్గొన్న ఎమ్మెల్యే
Andhra Pradesh Telugu | Suryaa Desk | Published : Sun, Aug 23, 2020, 07:07 PM
కర్నూలు నగరంలోని స్థానిక కొత్తపేట నందు ఏర్పాటు చేసిన వినాయకుడి పూజ వేడుకలలో కర్నూలు ఎమ్మెల్యే హాఫిజ్ ఖాన్ పాల్గొన్నారు. ప్రజలను ఉద్దేశించి ఎమ్మెల్యే హాఫిజ్ ఖాన్ మాట్లాడుతూ.. దేశమంతటా ఈ వినాయక చవితి అనేది వీధుల్లో ఎంతో భక్తిశ్రద్ధలతో పూజలందుకొని నగరమంతాట ఎంతో సంతోష వాతావరణం కలిగి ఉండేది. కరోనా కారణంగా ప్రభుత్వ నిబంధనలకు అనుగుణంగా మాత్రమే ఏర్పాటు చేసుకోవాలని కలెక్టర్ ఆదేశాలు ఉన్నకారణంగా చాలాచోట్ల నిబంధనలకు అనుగుణంగా నడుచుకోవడం జరుగుతుంది. ప్రజలందరూ కూడా చాలావరకు ఇళ్లలోనే పూజలు నిర్వహించడం ప్రభుత్వానికి అండగా నిలబడినందుకు ప్రభుత్వ నిబంధనలు అనుగుణంగా నడుచుకున్న ప్రతీ ఒక్కరికి కృతజ్ఞతలు ఎల్లప్పుడు సంతోషంగా జరిగే ఈ పండగ ఈ సంవత్సరం కాస్త బాధ కలిగిస్తున్న తప్పక రేపటి భవిష్యత్తు కోసం జాగ్రత్తలు వహించక తప్పదని తెలియపర్చారు. ఈ కార్యక్రమంలో వైస్సార్సీపీ నాయకులు, తదితరులు పాల్గొన్నారు.
|
|